മോഹന്‍ലാലിന്റെ ‘ഒപ്പം’ ഷൂട്ടിംഗ് തലസ്ഥാനത്ത്

മോഹന്‍ലാല്‍ പ്രിയദര്‍ശന്‍ കൂട്ടുകെട്ടില്‍ ഒരുങ്ങുന്ന ‘ഒപ്പം’ സിനിമയുടെ ഷൂട്ടിംഗ് തലസ്ഥാനത്ത് പുരോഗമിക്കുന്നു. ചിത്രത്തില്‍ അന്ധന്റെ വേഷമാണ് മോഹന്‍ലാല്‍ കൈകാര്യം ചെയ്യുന്നത്. തിരുവനതപുരം ചിത്രാഞ്ജലി സ്റ്റുഡിയോയില്‍ രണ്ടു ദിവസത്തേക്ക് നടക്കുന്ന ഷൂട്ടില്‍ സിനിമയുടെ അവസാനഭാഗമാണ് ഇവിടെ ഷൂട്ട്‌ ചെയ്യുന്നത് എന്നാണ് വിവരം. മോഹന്‍ലാല്‍ ഉള്‍പ്പടെയുള്ള പ്രമുഖ താരനിരയാണ് ചിത്രത്തില്‍ അണിനിരക്കുന്നത്. നിരവധി ഹിറ്റ് ചിത്രങ്ങള്‍ ചെയ്തിട്ടുള്ള മോഹന്‍ലാല്‍ പ്രിയദര്‍ശന്‍ കൂടുകെട്ട് ഗീതാഞ്ജലിക്ക് ശേഷമാണ് ഒപ്പത്തിലേക്ക് എത്തുന്നത്. വിമല രാമനാണ് ചിത്രത്തില്‍ മോഹന്‍ലാലിന്‍റെ നായികയായെത്തുന്നത്.