Cinema

സൂപ്പര്‍ താര ചിത്രങ്ങളുമായി സിദ്ധിക്കിന്‍റെ നിര്‍മ്മാണ കമ്പനി വരുന്നു

സംവിധായകന്‍ സിദ്ദീഖ് നിര്‍മ്മാതാവിന്‍റെ കുപ്പായമണിയാന്‍ തയ്യാറെടുക്കുകയാണ് . എസ് ടാക്കീസ് എന്നാണ് സിദ്ദീഖിന്റെ നിര്‍മ്മാണ കമ്പനിയുടെ പേര് . . രണ്ട് മലയാള ചിത്രങ്ങളാണ് നിലവില്‍ എസ് ടാക്കീസ് നിര്‍മ്മിക്കാനൊരുങ്ങുന്നത്. ആദ്യ ചിത്രത്തില്‍ ജയസൂര്യയാണ് നായകനാകുന്നത് . രണ്ടാമത് ആലോചിക്കുന്ന ചിത്രത്തില്‍ ദിലീപ് നായകനാകും. സിദ്ദീഖ് നിര്‍മ്മിക്കുന്ന ചിത്രങ്ങളുടെ തിരക്കഥ സിദ്ധിക്ക് തന്നെ രചിക്കും .

ഷൈജു ലോറന്‍സ്, റാണി ഷൈജു, ജെന്‍സോ ജോസ് എന്നിവരാണ് എസ് ടാക്കീസില്‍ സിദ്ദീഖിനൊപ്പമുള്ള പങ്കാളികള്‍. ആദ്യ ചിത്രം ജയസൂര്യയെ നായകനാക്കി സെപ്റ്റംബറില്‍ ചിത്രീകരണം തുടങ്ങും. കണ്ണൂരിലും മംഗലാപുരത്തുമായി ചിത്രീകരിക്കുന്ന ചിത്രം ക്രിസ്മസ് റിലീസായി തിയറ്ററുകളിലെത്തും. അടുത്ത വര്‍ഷം ആദ്യം ദിലീപ് ചിത്രത്തിന്‍റെ പണിപ്പുരയിലേക്ക് കടക്കും.

shortlink

Post Your Comments


Back to top button