ഫുട്ബോളില്‍ അര്‍ജന്‍റീനയുടെയും, ബാഴ്സിലോണയുടെയും തുറുപ്പ് ചീട്ട് ലയണല്‍ മെസ്സി കരിയറില്‍ തന്‍റെ അഞ്ഞൂറാമത്തെ ഗോള്‍ തികച്ചു. വലന്‍സിയയുമായി ഞായറാഴ്ച നടന്ന കളിയിലാണ് മെസ്സി ഈ ചരിത്ര നേട്ടം സ്വന്തമാക്കിയത്. ഇതില്‍ 450 ഗോളുകള്‍ മെസ്സി നേടിയത് ബാഴ്സിലോണയ്ക്ക് വേണ്ടിയാണ് 50 ഗോളുകള്‍ രാജ്യത്തിന്‌ വേണ്ടിയും നേടി. ഇടം കാലനടിക്ക് പേര് കേട്ട ലയണല്‍ മെസ്സി 406 ഗോളുകളാണ് ഇടം കാലില്‍ നിന്ന് തൊടുത്തു വിട്ടത്. 71 ഗോളുകള്‍ വലം കാലില്‍ നിന്ന് പിറന്നു. 21 ഗോളുകള്‍ തല കൊണ്ട് നേടി മറ്റുള്ള രീതിയില്‍ രണ്ട് ഗോളുകളും സ്വന്തമാക്കി. 25 ഡയറക്റ്റ് ഫ്രീ കിക്കുകളും 64 പെനാല്‍റ്റി ഗോളുകളും ഇതില്‍ ഉള്‍പ്പെടുന്നു.
Post Your Comments