കോട്ടയം: സിനിമ താരങ്ങള്‍ തെരഞ്ഞെടുപ്പില്‍ മത്സരിക്കുന്നത് ഇപ്പോള്‍ ജനങ്ങള്‍ക്കിടയിലെ സംസാര വിഷയമായി മാറിയിരിക്കുകയാണ്. താരങ്ങള്‍ തെരഞ്ഞെടുപ്പില്‍ മത്സരിക്കണമെന്നും വേണ്ടെന്നും വാദങ്ങള്‍ ഉയരുമ്പോള്‍ ഇക്കാര്യത്തില്‍ വ്യക്‌തമായ കാഴ്ചപാട് സൂക്ഷിക്കുകയാണ് നടന്‍ ബാബു ആന്റണി. നായകനായും വില്ലനായും പ്രേക്ഷക മനസ്സില്‍ സ്ഥാനം പിടിച്ച ബാബു ആന്റണി സിനിമ താരങ്ങള്‍ സ്ഥാനാര്ത്ഥിയാകുന്നതിന് നല്ലതാണെന്ന്‌ പറയുന്നു. സിനിമതാരങ്ങളായി എന്നുള്ളത് കൊണ്ട് സ്ഥാനാര്ത്ഥിയാകുന്നതിന് ഒരു വിലക്കും ആവശ്യമില്ല എന്നതാണ് ബാബു ആന്റണിയുടെ പക്ഷം. തന്റെ സുഹൃത്തുക്കള്‍ പലരും മത്സരിക്കുന്നുണ്ടെങ്കിലും ആര്‍ക്കുവേണ്ടിയും വോട്ട്‌ തേടുവാന്‍ ഇറങ്ങില്ലെന്നും ബാബു ആന്റണി വ്യക്‌തമാക്കുന്നു. ഒരു ദൃശ്യ മാധ്യമത്തോട്‌ സംസാരിക്കുകയായിരുന്നു അദ്ദേഹം.
Post Your Comments