കന്നട താരം മിലാന മലയാള സിനിമയിലേക്ക്‌. ഷാനില്‍ മുഹമ്മദ്‌ സംവിധാനം ചെയ്യുന്ന അവരുടെ രാവുകള്‍ എന്ന ചിത്രത്തിലെ ഒരു പ്രധാന കഥാപാത്രത്തെയാണ്‌ മിലാന പൗര്‍ണമി അവതരിപ്പിക്കുന്നത്‌. വിനയ്‌ ഫോര്‍ട്ടിന്റെ കാമുകി വേഷമിട്ടാണ് മിലാന അവരുടെ രാവുകളില്‍ അഭിനയിക്കുന്നത്
കന്നടയില്‍ ആറോളം ചിത്രങ്ങളിലാണ് മിലാന വേഷമിട്ടിരിക്കുന്നത്. നം ദുനിയ നം, സ്‌റ്റൈല്‍ എന്നീ കന്നട ചിത്രങ്ങളില്‍ നായിക വേഷവും അവതരിപ്പിച്ചിട്ടുണ്ട്‌. കന്നടയില്‍ സ്‌ത്രീകള്‍ക്ക്‌ ശക്‌തമായ കഥാപാത്രങ്ങള്‍ കിട്ടാനുള്ള സാധ്യത വളരെ കുറവാണെന്നും മലയാളത്തില്‍ ഇത്‌ ധാരാളമുണ്ടെന്നും മിലാന പറയുന്നു.
ആസിഫ്‌ അലി, ഉണ്ണി മുകുന്ദന്‍, വിനയ്‌ ഫോര്‍ട്ട്‌ എന്നിവരാണ്‌ അവരുടെ രാവുകളില്‍ പ്രധാന കഥാപാത്രത്തെ അവതരിപ്പിക്കുന്നത്‌. ഹണി റോസാണ്‌ ചിത്രത്തിലെ നായിക.
Post Your Comments