വിജയ് മൂന്ന് വേഷങ്ങളില്‍ എത്തുന്ന അറ്റ്‌ലീ ചിത്രമായ തെറി ഇപ്പോള്‍ തമിഴകത്ത് ചൂടു പിടിച്ച ചര്‍ച്ചയിലാണ്. ഇപ്പോഴിതാ തമിഴകത്ത് മറ്റൊരു ട്രിപ്പിള്‍ റോള്‍ ചിത്രം കൂടി. ചിമ്പുവാണ് ചിത്രത്തിലെ നായകന്‍.
സംവിധായകന്‍ രവി ചന്ദ്രനാണ് പുതിയ ചിത്രം സംവിധാനം ചെയ്യുന്നത്. ചിത്രത്തില്‍ മൂന്ന് നായികമാരാണുള്ളത്. എന്നാല്‍ അവരാരൊക്കെയാണെന്ന് നിശ്ചയിച്ചിട്ടില്ല. ഉടന്‍ തന്നെ ചിത്രത്തെ കുറിച്ചുള്ള പുതിയ പ്രഖ്യാപനം ഉണ്ടാകുമെന്ന് സംവിധായകന്‍ രവി ചന്ദ്രന്‍ പറയുന്നു.
നേരത്തെ മന്‍മഥന്‍, ചിലമ്പാട്ടം എന്നീ ചിത്രങ്ങളില്‍ ചിമ്പു ഇരട്ട റോളില്‍ എത്തിയിട്ടുണ്ട്. ഇത് ആദ്യമായാണ് ചിമ്പു ത്രിപ്പിള്‍ റോളില്‍ എത്തുന്നത്.
പാണ്ഡിരാജ് സംവിധാനം ചെയ്യുന്ന ഇത് നമ്മ ആളാണ് ചിമ്പുവിന്റെ പുതിയ ചിത്രം. നയന്‍താരയാണ് ചിത്രത്തില്‍ നായിക.
Post Your Comments