അച്ഛന്റെയും അശ്വിന്റെയും ആശയങ്ങൾ ഒരുപോലെയാണെന്ന് ദിയ കൃഷ്ണ

ദിയ കൃഷ്ണയുടെ പ്രണയമാണ് സോഷ്യൽ മീഡിയയിൽ സജീവ ചർച്ച. കാമുകൻ അശ്വിൻ ​ഗണേശിനൊപ്പം പ്രണയ കാലം ആസ്വദിക്കുകയാണ് ദിയ കൃഷ്ണ. അശ്വിന്റെ സർപ്രെെസ് പ്രൊപ്പോസൽ വീഡിയോ ലക്ഷക്കണക്കിന് പേരാണ് യൂട്യൂബിൽ കണ്ടത്. ദിയ കൃഷ്ണയും അശ്വിൻ ഗണേഷും വിവാഹിതരാകാൻ ഒരുങ്ങുന്നുവെന്ന സൂചനയാണ് ഇരുവരും നൽകിയത്. അശ്വിൻ അടുത്തിടെ ദിയയെ പ്രൊപ്പോസ് ചെയ്തിരുന്നു. ദിയ ഇതിന് ‘യെസ്’ പറയുകയും ചെയ്തു. ഇതിന് പിന്നാലെ ഇരുവരും ഒരുമിച്ച് നൽകിയ പുതിയ അഭിമുഖം ശ്രദ്ധ നേടുന്നു. തന്നെ പ്രേമിച്ച് പ്രശസ്തി നേടണമെന്ന് ആഗ്രഹിച്ച എത്തിയവരില്‍ നിന്നെല്ലാം വ്യത്യസ്തമാണ് അശ്വിന്‍ ഗണേഷ് എന്ന് ദിയ പുതിയ അഭിമുഖത്തിൽ പറയുന്നു.

ഈ പ്രൊപ്പസലിനെ കുറിച്ച് ദിയ പറഞ്ഞ വാക്കുകളാണ് ഇപ്പോള്‍ ചര്‍ച്ചയാകുന്നത്. ഈ വർഷമോ അടുത്ത വർഷമോ താൻ വിവാഹിതയാകുമെന്ന് ദിയ അടുത്തിടെ വ്യക്തമാക്കുകയും ചെയ്തു. എന്നാൽ ചേച്ചി അഹാന കൃഷ്ണ വിവാഹം ചെയ്തില്ലല്ലോ എന്ന ചോദ്യം ഉയരുന്നുണ്ട്. അഹാനയ്ക്ക് ഇപ്പോൾ കരിയറിലേക്ക് ശ്രദ്ധ കൊടുക്കാനാണ് താൽപര്യമെന്നാണ് ദിയ പറയുന്നത്. അശ്വിനും തന്റെ പിതാവ് കൃഷ്ണകുമാറും പെട്ടെന്ന് അടുക്കാൻ സാധ്യതയുണ്ടെന്ന് ദിയ കൃഷ്ണ പറയുന്നു.

‘സംസാരിച്ച് തുടങ്ങിക്കഴിഞ്ഞാൽ അച്ഛനുമായിട്ടായിരിക്കും അശ്വിൻ പെട്ടെന്ന് കണക്ട് ആവുകയെന്ന് കരുതുന്നു. ഇവന്റെയും എന്റെ അച്ഛന്റെയും പല തരം ഐഡിയോളജികൾ ഒരേപോലെയാണെന്ന് എനിക്ക് തോന്നിയിട്ടുണ്ട്. ഇവൻ ചില കാര്യങ്ങൾ പറയുമ്പോൾ എന്താണ് നീ എന്റെ അച്ഛനെ പോലെ സംസാരിക്കുന്നതെന്ന് തോന്നും. ഇപ്പോൾ ഹൻസികയുടെ ചില കോമഡികളൊക്കെ ഇവൻ ഇടയ്ക്കിടെ പറയാറുണ്ട്. താരതമ്യേന അശ്വിൻ വീട്ടുകാരിൽ ഇപ്പോൾ ഹൻസികയുമായിട്ടാണ് ക്ലോസ്. പക്ഷെ നാളെ ഒരു ദിവസം ഇതുപോലെ ഇരുന്ന് സംസാരിക്കാൻ പറ്റിയാൽ എന്റെ അച്ഛനുമായിട്ടായിരിക്കും അശ്വിൻ കൂടുതൽ അടുക്കുക’, ദിയ പറയുന്നു.

തന്നെ ഏറ്റവും കംഫര്‍ട്ടബിള്‍ ആക്കുന്ന സുഹൃത്ത് ആയിരിക്കാനാണ് അശ്വിന് ഇഷ്ടം. എന്നാല്‍ തന്റെ കൂടെ മുമ്പ് ഉണ്ടായിരുന്നവര്‍ തന്റെ കാശ് എടുത്ത് ഉപയോഗിക്കുന്നവര്‍ മാത്രമായിരുന്നു എന്നാണ് ദിയ പറയുന്നത്.

‘ഇവന്‍ എന്നെയാണ് കംഫര്‍ട്ടബിളാക്കാന്‍ ശ്രമിച്ചത്. എന്റെ സുഹൃത്ത് ആയിരിക്കാനാണ് ഇവന്‍ ഏറെയും ആഗ്രഹിക്കുന്നത്. ഞാന്‍ എന്ത് കൂറ ലുക്കില്‍ നിന്നാലും നിന്നെ എന്ത് ഭംഗിയാണ് കാണാന്‍ എന്ന് ഇവന്‍ പറയും. നമ്മള്‍ക്ക് സെല്‍ഫ് കോണ്‍ഫിഡന്‍സ് ഇവന്‍ തന്നുകൊണ്ടിരിക്കും. എവിടെ എങ്കിലും പോയാല്‍ എന്റെ എല്ലാ സാധനങ്ങളും പിടിച്ച് എന്റെ കൂടെ തന്നെ നടക്കും. എന്റെ എല്ലാ കാര്യങ്ങളും ഇവന് അറിയാം. എല്ലാം അറിഞ്ഞുകൊണ്ടുതന്നെയാണ് ഇവന്‍ എന്നെ പ്രൊപ്പോസ് ചെയ്യുന്നതും. എനിക്ക് ഒരുപാട് കുറവുകളുണ്ട്. അതില്‍ എല്ലാം നന്മകള്‍ കണ്ടെത്തി കൂടെ നില്‍ക്കുന്ന ആളാണ്.

എന്റെ ജീവിതത്തിലെ മോശം അവസ്ഥകളില്‍ എല്ലാം എന്റെ കൂടെ തന്നെയുണ്ടായിരുന്നു. എന്നെ ഒന്ന് പ്രേമിച്ചുകൊണ്ട് ഫെയിമാകണമെന്ന് എന്റെ കൂടെ നിന്ന എല്ലാവര്‍ക്കും ഉണ്ടായിരുന്നു. എന്നാല്‍ ഇവന് അങ്ങനെ ഇല്ല. എന്റെ വേറെ ഒന്നും കണ്ടിട്ടില്ല ഇവന്‍ എന്റെ ഒപ്പം കൂടിയത്. ഒരു ബില്‍ പോലും എന്നെ കൊണ്ട് ഇവന്‍ കൊടുപ്പിക്കില്ല. എന്റെ കൂടെ നിന്ന എല്ലാവരും എന്റെ കാര്‍ഡ് എടുത്ത് യൂസ് ചെയ്ത ആളുകളാണ്. കൂടെ നിന്നവര്‍ എല്ലാം സത്യമാണെന്ന് ഞാന്‍ അങ്ങ് വിശ്വസിച്ചു. എന്നാല്‍ അതില്‍ നിന്നെല്ലാം ഇവന്‍ വ്യത്യസ്തനാണ്’, ദിയ പറയുന്നു.