നിങ്ങളെ ബഹുമാനിക്കുന്ന ഒരാളെ വേണം പ്രണയിക്കുവാൻ, ടിപ്സുമായി നടൻ സന്തോഷ് പണ്ഡിറ്റ്

പ്രണയത്തെക്കുറിച്ച് തന്റെ കാഴ്ച്ചപ്പാടുകളും എങ്ങനെ നല്ല രീതിയിൽ പ്രണയിക്കാം എന്നും തുറന്ന് പറഞ്ഞ് നടൻ സന്തോഷ് പണ്ഡിറ്റ്. തന്റെ സോഷ്യൽ മീഡിയയിലൂടെയാണ് താരം ഇക്കാര്യങ്ങൾ തുറന്ന് പറഞ്ഞത്.

കുറിപ്പ് വായിക്കാം

നാം പ്രണയിക്കുന്നവർക്ക് കുറച്ചു അധികം ശ്രദ്ധ കൊടുക്കണം ട്ടോ.. “care’ കുറഞ്ഞു എന്ന് തോന്നിയാൽ അവർ ബഹളം വെക്കണം എന്നില്ല, പക്ഷേ ബന്ധം തകർന്നാൽ അവർ പിന്നെ തീരെ മിണ്ടാതാകും.. ശ്രദ്ധിച്ചോ. നിങ്ങൾക്ക് ഒരിക്കലും പ്രണയം വാങ്ങുവാൻ ആകില്ല. കാമുകൻ /കാമുകി ഒരു Price tag കൊണ്ടു നടക്കുന്നില്ല. കാരണം യഥാർത്ഥ പ്രണയം വിലമതിക്കാൻ ആകാത്തതാണ്. അവരെ നഷ്ടപ്പെടുമ്പോൾ ആണ് അവരുടെ വില നാം മനസ്സിലാക്കുക.

ഒരു കാമുകി/കാമുകൻ്റെ മുന്നിൽ ശ്രദ്ധ കിട്ടുവാൻ, ചുമ്മാ shine ചെയ്യുവാൻ ഒന്നും കാട്ടി കൂട്ടരുത്. കാരണം സൂര്യനും ചന്ദ്രനും ഒരുമിച്ച് പ്രകാശിക്കാറില്ല. ഓരോരുത്തരും അവരവരുടെ സമയം കാത്തു നിന്നു പ്രകാശിക്കും. അതുപോലെ നമ്മളും നമ്മുടെ സമയം എത്തുന്നത് വരെ ക്ഷമയോടെ കർമം ചെയ്ത് കാത്തിരിക്കുക, പ്രകാശിക്കുക. Live in peace, Not in pieces. സമാധാനത്തോടെ ജീവിക്കുക. വേറിട്ട് കഷ്ണങ്ങളായി ജീവിക്കരുത്. സ്നേഹം unconditional ആയി കൊടുത്താലേ , അത് ആരിൽ നിന്നും തിരിച്ച് കിട്ടൂ.. ഓർക്കുക.

(വാൽകഷ്ണം.. ഒരാൾക്ക് വേണ്ടി നിങ്ങളുടെ സ്വന്തമായത് മൊത്തം ത്യജിക്കുന്നതിൽ പ്രണയം കാണരുത്. മറിച്ച്, നിങ്ങളുടെ ത്യാഗങ്ങളെ ബഹുമാനിക്കുന്ന ഒരാളെ ആണ് പ്രണയിക്കുവാൻ കണ്ടെത്തേണ്ടത്.)