വിവാദ താരം ഉർഫി ജാവേദ് ഹാലോവീൻ ലുക്കിന് മരണഭീഷണി നേരിട്ടിരിക്കുകയാണ്. സോഷ്യൽ മീഡിയ സെൻസേഷൻ ഉർഫി ജാവേദ് തന്റെ വിവാദ ചിത്രങ്ങളിലൂടെയാണ് കുപ്രശസ്തി നേടിയത്. അസാധാരണമായ ഫാഷൻ തിരഞ്ഞെടുപ്പുകളാണ് താരം എല്ലായ്പ്പോഴും നടത്താറുള്ളത്. താരത്തിന്റെ ഫാഷൻ ഇന്റർനെറ്റിൽ വൈറലായി മാറാറുണ്ട്.
‘ഭൂൽ ഭുലയ്യ’ എന്ന സിനിമയിൽ നിന്ന് നടൻ രാജ്‌പാൽ യാദവിന്റെ ജനപ്രിയ കഥാപാത്രമായ ‘ഛോട്ടേ പണ്ഡിറ്റ്’ ലുക്ക് ആണ് ഇത്തവണ വെറൈറ്റിക്കായി ഉർഫി പരീക്ഷിച്ച് നോക്കിയത്. എന്നാൽ പണി പാളുകയായിരുന്നു, അർധ നഗ്ന ചിത്രങ്ങളിലൂടെയും വിവാദ ഫോട്ടോഷൂട്ടികളിലൂടെയും സോഷ്യൽ മീഡിയയിൽ പ്രശസ്ത ആകുവാൻ നോക്കുന്ന ഉർഫിക്ക് ഇത്തവണ വധ ഭീഷണിയാണ് ലഭിച്ചത്.
ചിത്രത്തിലെ രാജ്‌പാൽ യാദവിന്റെ ഐക്കണിക് ലുക്ക് പുനഃസൃഷ്ടിച്ചതിന് തനിക്ക് വധഭീഷണി ഉണ്ടെന്ന് വെളിപ്പെടുത്തി ഉർഫി തന്നെയാണ് രംഗത്തെത്തിയത്. ഇമെയിലായി ലഭിച്ച ഭീഷണിയുടെ തെളിവ് സഹിതമാണ് ഉർഫി ഇന്റർനെറ്റിലെത്തിയത്.
Post Your Comments