തെലുങ്ക് താരം ബാലയ്യയുടെ ഭ​ഗവന്ത് കേസരി യുഎസിലും ഹിറ്റ്, കളക്ഷനിൽ റെക്കോർഡ് നേട്ടം

നന്ദമൂരി ബാലകൃഷ്ണയുടെ ഭഗവന്ത് കേസരിക്ക് മികച്ച പ്രതികരണമാണ് ലഭിക്കുന്നത്. കൂടാതെ ദസറയോടെ ഈ രണ്ടോ മൂന്നോ ദിവസങ്ങളിൽ കളക്ഷൻ വീണ്ടും കൂടുമെന്ന പ്രതീക്ഷയിലാണ് അണിയറപ്രവർത്തകർ. ബാലകൃഷ്ണ, കാജൽ, ശ്രീലീല എന്നിവർ പ്രധാനവേഷങ്ങളിലെത്തുന്ന ഭഗവന്ത് കേസരിക്ക് ആദ്യ ഷോ മുതൽ തന്നെ മികച്ച പ്രതികരണങ്ങളാണ് ലഭിച്ചത്.

ചിത്രത്തിനായുള്ള അദ്ദേഹത്തിന്റെ ലുക്കും ആരാധകര ശ്രദ്ധ നേടിയിരുന്നു. തെലുങ്കിൽ മികച്ച ഒരുപിടി ഹിറ്റുകളാണ് തുടർച്ചയായി ബാലകൃഷ്ണ നേടിയെടുത്തത്. യുഎസിലും ചിത്രം റെക്കോ‍ഡ് നേട്ടം സ്വന്തമാക്കിയിരിക്കുകയാണ്. ഒരു മില്യൺ കളക്ഷൻ എന്ന നേട്ടമാണ് ചിത്രം നേടിയെടുത്തത്.

സംവിധാനം നിർവഹിച്ചത് അനിൽ രവിപുഡിയാണ്. ലിയോയുമായി പൊരുതി നേടുന്ന ഭഗവന്ത് കേസരിയുടെ വിജയം എല്ലാവരെയും അതിശയിപ്പിക്കുന്നതാണ്. ബാലയ്യക്ക് തന്റെ ആരാധകരെ വീണ്ടും സന്തോഷിപ്പിക്കാനായെന്നാണ് ഭൂരിപക്ഷം പേരും അഭിപ്രായപ്പെടുന്നത്.