ദസറ സമയം ദക്ഷിണേന്ത്യൻ പ്രേക്ഷകർക്ക് വലിയ ഉത്സവമായതിനാൽ തിയേറ്റർ വിപണിയും ഉഷാറിലാകുന്ന സമയമാണ്. മുൻനിര നായകൻമാരുടെ ചിത്രങ്ങൾ പതിവായി ദസറ സമയത്ത് റിലീസിന് എത്താറുണ്ട്. ലോകേഷ് ചിത്രം ലിയോ ആണ് ഇത്തരത്തിൽ ഏറെ മുന്നിൽ നിൽക്കുന്നത്.
എന്നാൽ ഇത്തവണ, ദസറയ്ക്ക്, ബാലയ്യയുടെ ഭഗവന്ത് കേസരിയും ലിയോയും പോലുള്ള രണ്ട് വലിയ ചിത്രങ്ങൾ ഗ്രാൻഡ് റിലീസിനായി ഒരുങ്ങുകയാണ്. വിജയ് ചിത്രം റിലീസ് ചെയ്യുന്ന അതേ ദിവസം ചിത്രം റിലീസ് ചെയ്യുമെന്ന് തെലുങ്ക് താരം ബാലയ്യയും സിനിമാ അണിയറ പ്രവർത്തകരും ഉറപ്പിച്ച് കഴിഞ്ഞു.
ദസറയ്ക്ക് ബോക്‌സ് ഓഫീസിൽ ഏറ്റുമുട്ടുന്നത് നന്ദമുരി ബാലകൃഷ്ണയുടെ ഭഗവന്ത് കേസരിയും ദളപതി വിജയിന്റെ ലിയോയും ആയിരിക്കുമെന്നാണ് അണിയറ സംസാരം. ബാലയ്യക്ക് എന്തൊരു ചങ്കൂറ്റമെന്നാണ് സോഷ്യൽ മീഡിയ സംസാരം മുഴുവനും. എന്നാൽ ലിയോ ഒരു പാൻ-ഇന്ത്യൻ ചിത്രമാണ്, പക്ഷെ ബാലയ്യക്ക് വലിയൊരു ആരാധകവൃന്ദം ഉണ്ടെന്നതും അദ്ദേഹത്തിന്റെ എല്ലാ ചിത്രങ്ങളും ഏറ്റവും കൂടുതൽ വരുമാനം നേടിയതും കണക്കിലെടുക്കുമ്പോൾ, ലിയോയ്ക്ക് തെലുങ്ക് പ്രദേശങ്ങളിൽ പോരാടാൻ പ്രയാസമാണ് എന്ന് വിലയിരുത്തുന്നവരും ഉണ്ട്.
Post Your Comments