കുതിപ്പ് തുടർന്ന് ​ഗദർ 2: ജവാനും തകർക്കാനാകാത്ത റെക്കോർഡ് നേട്ടം

സണ്ണി ഡിയോൾ നായകനായ ചിത്രം ​ഗദർ 2 വമ്പൻ മുന്നേറ്റമാണ് നടത്തുന്നത്. ബോക്സോഫീസിൽ ചരിത്രം സൃഷ്ട്ടിക്കുകയാണ് ​അമീഷ പട്ടേൽ – സണ്ണി ഡിയോൾ ചിത്രം ​ഗദർ 2.

ജവാന്റെ റിലീസിന് ശേഷം ഗദർ 2 തളരുമെന്ന് പലരും പറഞ്ഞെങ്കിലും അതുണ്ടായില്ല. ജവാന്റെ റിലീസിനും ​ഗദർ 2 വിനെ തോൽപ്പിക്കാനായില്ല. ബോളിവുഡിലെ അപ്രതീക്ഷിത വിജയ ചിത്രങ്ങളിലൊന്നായിരുന്നു ​ഗദർ. 522 കോടിയോളം രൂപ ഇന്ത്യയിൽ നിന്ന് തന്നെ സണ്ണി ചിത്രം നേടിയെന്നാണ് റിപ്പോർട്ടുകൾ വരുന്നത്. ഫിലിം ട്രേഡ് അനലിസ്റ്റ് തരൺ ആദർശ് ആണ് ഇക്കാര്യം പുറത്ത് വിട്ടത്. സ്വാതന്ത്ര്യ ദിനത്തിന്റെ അന്നാണ് ചിത്രം റിലീസായത്.

സെപ്റ്റംബർ 7ന് അറ്റ് ലീ – ഷാരൂഖ് ചിത്രം ജവാനെത്തിയെങ്കിലും ​ഗദറിന്റെ തേരോട്ടം തുടരുകയാണ്. ഇന്ത്യ – പാക് വിഭജന കാലത്ത് നടക്കുന്ന പ്രണയ കഥയായിരുന്നു ​ഗദർ . താരാ സിംങ് – സക്കീന എന്നിവരുടെ പ്രണയത്തിന് 22 വർഷത്തിന് അപ്പുറം എന്ത് സംഭവിച്ചു എന്നാണ് ​ഗദർ 2 വിന്റെ കഥ. ബോളിവുഡ് സുന്ദരി അമീഷ പട്ടേലാണ് ​ഗദർ 2 വിൽ നായികയായെത്തിയത്. 2001 – ലാണ് ​ഗദർ ആദ്യഭാ​ഗം ഇറങ്ങിയത്. ചിത്രം സൂപ്പർ ഹിറ്റായി മാറിയിരുന്നു. സണ്ണി ഡിയോളും അമീഷ പട്ടേലുമായിരുന്നു ആദ്യഭാ​ഗത്തിലും പ്രധാന കഥാപാത്രങ്ങളെ അവതരിപ്പിച്ചത്.