കോവിഡ് മഹാമാരിക്കെതിരെയുള്ള പോരാട്ടത്തിന്റെ കഥയുമായി എത്തുന്ന വിവേക് അഗ്നിഹോത്രിയുടെ ചിത്രം വാക്സിൻ യുദ്ധത്തിന്റെ ട്രെയിലർ പുറത്തിറങ്ങി.
അനുപം ഖേർ, നാനാ പടേക്കർ, സപ്തമി ഗൗഡ, പല്ലവി ജോഷി എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രം ഇന്ത്യയിലെ ആദ്യത്തെ ബയോ സയൻസ് സിനിമയാണെന്ന അവകാശവാദവുമായി എത്തുന്ന ചിത്രമാണ്. കോവിഡ് -19 പാൻഡെമിക് സമയത്ത് ഇന്ത്യൻ ശാസ്ത്രജ്ഞരുടെ പോരാട്ടമാണ് ചിത്രം പറയുന്നത്. മഹാഭാരതത്തിലെ വരികൾ പരാമർശിക്കുന്ന രംഗങ്ങളുമായാണ് ട്രെയിലറും എത്തിയിരിക്കുന്നത്.
ഇന്ത്യൻ ശാസ്ത്രജ്ഞരുടെയും ഇന്ത്യൻ സർക്കാരിന്റെയും കഠിന പരിശ്രമം കാണിക്കുന്നതിനും ദേശവിരുദ്ധ പ്രവൃത്തികളെ തുറന്നുകാട്ടുന്നതിനും വിവേക് അഗ്നിഹോത്രി എടുത്ത പരിശ്രമം അഭിനന്ദനാർഹമാണെന്നാണ് പ്രേക്ഷകർ പറയുന്നത്. കാന്താര എന്ന സൂപ്പർ ഹിറ്റ് ചിത്രത്തിലെ നായികയായെത്തിയ സപ്തമി ഗൗഡ വാക്സിൻവാറിൽ പ്രധാന വേഷത്തിലെത്തുന്നു. ഋഷബ് ഷെട്ടി ചിത്രമായ കാന്താരയിലൂടെ വൻ പ്രശസ്തിയിലേക്കുയർന്ന നടിയാണ് സപ്തമി ഗൗഡ.
Post Your Comments