അഭിനയലോകത്തിന്റെ നെറുകയിൽ അൻപതിലേറെ വർഷങ്ങളായി ‘The Big M’ ആയി അദ്ദേഹം നിലനിൽക്കുന്നു: രചന

മലയാളത്തിന്റെ പ്രിയതാരം മമ്മൂട്ടിയെക്കുറിച്ച് നടി രചന നാരായണൻ കുട്ടി പങ്കുവച്ച കുറിപ്പ് ശ്രദ്ധ നേടുന്നു. അഭിനയലോകത്തിന്റെ നെറുകയിൽ അൻപതിലേറെ വർഷങ്ങളായി ‘The Big M’ ആയി അദ്ദേഹം നിലനിൽക്കുന്നുവെന്നും ഏറെ വിഷമം ഉണ്ടാക്കിയ ഒരു സാഹചര്യത്തിൽ, ഒരു അശരീരി പോലെ അദ്ദേഹം പറഞ്ഞ ചില വാചകങ്ങൾ എന്നെന്നും മനസ്സിൽ ഊർജ്ജം നൽകുന്നതാണെന്നും രചന പറയുന്നു.

read also: പോ മക്കളെ പുതുപ്പള്ളിയിൽ നിന്ന് മടങ്ങി പോ…ഉമ്മൻ ചാണ്ടിയെ തോൽപ്പിക്കാൻ നിങ്ങൾക്കാവില്ല: ഹരീഷ് പേരടി

കുറിപ്പ് പൂർണ്ണ രൂപം,

Mammootty – The Master of Camouflage in Aesthetics!
ഒരു Cinematic Maestro യുടെ evolution… ആ evolution ഇപ്രകാരം ഉയർന്ന രീതിയിൽ മറ്റൊരു നടനിൽ കാണാൻ സാധിച്ചിട്ടുണ്ടോ എന്നു സംശയമാണ്. കുട്ടിക്കാലം മുതൽ കണ്ടിട്ടുള്ള മമ്മൂട്ടി ചിത്രങ്ങളുടെ ഓർമ്മകളിലൂടെ സഞ്ചരിച്ചു ഇന്നിവിടെ ആലോചിച്ചു നിൽക്കുമ്പോൾ,
കഴിവിന്റെ അതിരുകളെ കാലാനുസൃതമായും, ക്രമാനുഗതവുമായും ഭേദിച്ചു കൊണ്ട്, ആ നടൻ തന്റെ കലയോട് കാണിച്ചുപോരുന്ന സമർപ്പണത്തെ ആണ് ആദ്യം കാണാൻ കഴിയുന്നത്. ഏറ്റെടുക്കുന്ന ഓരോ കഥാപാത്രങ്ങളിലും, അദ്ദേഹം ഒരു chameleon നെ പോലെ രൂപാന്തരപ്പെട്ട്, അതിനെ ആഴവും ആധികാരികതയും ഉള്ളതാക്കി മാറ്റുന്നു- The Master of Camouflage! The Master of Camouflage in the field of Aesthetics !

അഭിനയലോകത്തിന്റെ നെറുകയിൽ അൻപതിലേറെ വർഷങ്ങളായി ഇന്നും “The Big M” ആയി അദ്ദേഹം നിലനിൽക്കുന്നത്, തന്റെ കലയോടുള്ള അദ്ദേഹത്തിന്റെ അകമഴിഞ്ഞ ബഹുമാനവും പ്രതിബദ്ധതയും കൊണ്ടു മാത്രമാണ്. മമ്മൂട്ടി എന്ന അഭിനേതാവിന്റെ ക്രമാനുഗതമായ ഈ മുന്നേറ്റം, എന്നെപോലെ ഉത്സാഹികളായ, ഒരുപാടൊരുപാട് സഹൃദയരായ കാണികളുടെ ഉദയത്തിനും കാരണമാണ് എന്നുള്ളത് തന്നെയാണ്, ഒരു കലാകാരൻ എന്ന നിലയിൽ അദ്ദേഹം ചെയ്തുകൊണ്ടിരിക്കുന്ന കർമ്മത്തിന്റെ ധർമ്മം.
ഇനിയും ഈ കർമ്മം തുടർന്ന് കൊണ്ടുപോകാൻ അദ്ദേഹത്തിന് അനുഗ്രഹങ്ങൾ ഉണ്ടാകട്ടെ എന്നു ആത്മാർത്ഥതയോടെ…പ്രാർത്ഥനാപൂർവ്വം ഈ പിറന്നാൾ ദിനത്തിൽ ആശംസിക്കുന്നു.

കുറിപ്പ് : ഏതൊരു മലയാളിയെ പോലെ ഞാനും ഏറെ ആരാധിക്കുന്ന ഒരു അഭിനേതാവാണ് ശ്രീ മമ്മൂട്ടി. അദ്ദേഹം അഭിനയിച്ച ഒട്ടേറെ സിനിമകൾ ചെറുപ്പം തൊട്ടേ കണ്ടാസ്വദിക്കുമ്പോഴൊന്നും കരുതിയതല്ല ഈ മഹാനടനോടൊപ്പം അഭിനയിക്കാൻ സാധിക്കുമെന്നോ അദ്ദേഹത്തെ അറിയാൻ സാധിക്കുമെന്നോ,ഒന്നും! മമ്മൂട്ടി എന്ന നടനെ പറ്റിയാണ് മുമ്പേ സൂചിപ്പിച്ചതെങ്കിൽ മമ്മൂക്ക എന്ന വ്യക്തിയെ പറ്റി പരാമർശിക്കാതെ പോവാൻ സാധിക്കില്ല . ഈ അടുത്ത്, ഏറെ വിഷമം ഉണ്ടാക്കിയ ഒരു സാഹചര്യത്തിൽ, ഒരു അശരീരി പോലെ അദ്ദേഹം പറഞ്ഞ ചില വാചകങ്ങൾ എന്നെന്നും മനസ്സിൽ ഊർജ്ജം നൽകുന്ന ഒന്നാണ്. അതുമതി മമ്മൂക്ക..എന്നും ഞങ്ങളുടെ മമ്മൂക്കയായി കൂടെ ഉള്ളതിന് ഒരായിരം നന്ദി ? Mammootty
സ്നേഹം
രചന നാരായണൻകുട്ടി