പുതുപ്പള്ളി ഉപതിരഞ്ഞെടുപ്പിന് ഇനി ഏതാനും ദിവസങ്ങൾ ശേഷിക്കെ ആര് വിജയിയാകുമെന്നാണ് കേരളം ഉറ്റുനോക്കുന്നത്. ഈ അവസരത്തിൽ നടൻ മനോജ് കുമാർ ചാണ്ടി ഉമ്മനെക്കുറിച്ച് പറഞ്ഞ കാര്യങ്ങളാണ് വൈറലാകുന്നത്.
ഈ ഇലക്ഷനിൽ ആര് ജയിക്കുമെന്ന് വീണ്ടും പറയേണ്ട കാര്യമില്ല, അത് ചാണ്ടി ഉമ്മനേ ജയിക്കൂ. ഇടത് പക്ഷക്കാർക്ക് പോലും അറിയാവുന്ന ഒരു കാര്യമാണത്. ചാണ്ടി ഉമ്മൻ വിജയിക്കുക തന്നെ ചെയ്യും. ഉമ്മൻ ചാണ്ടി സാർ മരിച്ചിട്ട് 41 ദിവസമായി, ആ കല്ലറയിലൊന്ന് പോയി പ്രാർഥിക്കണമെന്നുണ്ടായിരുന്നു, പക്ഷെ നടന്നില്ല. മനസ് കൊണ്ട് വണങ്ങി ഞാൻ ഇതിനോടകം മാപ്പും ചോദിച്ച് കഴിഞ്ഞു. അനാശാസ്യമടക്കം അദ്ദേഹത്തിന്റെ തലയിൽ ചിലർ വച്ചുകൊടുത്തു.
ചെയ്യാത്ത എത്രയോ അഴിമതി കഥകളിൽ അദ്ദേഹത്തിന്റെ പേര് ചേർത്തു. ഒരു സ്ത്രീയുടെ വാക്ക് കേട്ട് എത്രയോ പേർ ഉമ്മൻ ചാണ്ടിയെപ്പോലൊരാളെ സംശയിച്ചു, അദ്ദേഹത്തെ വെറുത്തു എന്ന കാര്യവും ആരും മറക്കില്ലെന്നും മനോജ്. അതിന് പ്രതികാരം വോട്ടെടുപ്പിൽ കാണാം. വൻ ഭൂരിപക്ഷത്തിൽ ചാണ്ടി ഉമ്മൻ ജയിക്കും. കേരളത്തിലെ ഏറ്റവും നല്ല എംഎൽഎ ആയി ചാണ്ടി മാറുമെന്ന കാര്യത്തിൽ സംശയമില്ലെന്നും താരം വ്യക്തമാക്കി. ജനങ്ങൾക്കു വേണ്ടി ചാണ്ടി ഉണ്ടാകുമെന്ന് ഉറപ്പുണ്ടെന്നും മനോജ്.
Post Your Comments