പുതിയ എന്റെ ലുക്ക് പണിയാകുമെന്ന് ഭാര്യ മുന്നേ സൂചിപ്പിച്ചതാണ്; വൈറൽ ലുക്കിനെക്കുറിച്ച് വിനയ് ഫോർട്ട്

നടൻ വിനയ് ഫോർട്ടിന്റെ വൈറൽ ലുക്കാണ് സോഷ്യൽ മീഡിയയിലെങ്ങും ഇപ്പോൾ സംസാര വിഷയം. താരത്തിന്റെ മീശയും ലുക്കും നിരവധി ട്രോളുകൾക്കും കാരണമായി.

രാമചന്ദ്ര ബോസ് ആൻഡ് കോ എന്ന ചിത്രത്തിനായെത്തിയപ്പോഴാണ് പലരും താരത്തിന്റെ ഈ വൈറൽ ലുക്ക് ശ്രദ്ധിക്കുന്നത്. അപ്പൻ സിനിമയുടെ സംവിധായകൻ മജുവിനൊപ്പം ചെയ്യുന്ന ചിത്രത്തിന് വേണ്ടിയുള്ള മേക്കോവറാണിതെന്ന് വിനയ് വ്യക്തമാക്കി. ഒരു സാങ്കൽപ്പിക ലോകത്തിലെയും അവിടുത്തെ ആളുകളുടെയും കഥ പറയുന്ന ചിത്രത്തിന് വേണ്ടിയാണ് ഈ ന്യൂ ലുക്ക്. ഇതേ ലുക്കും വച്ചാണ് നടൻ വിനയ് രാമചന്ദ്ര ബോസ് ആൻഡ് കോ എന്ന ചിത്രത്തിന്റെ പ്രമോഷന് എത്തിയത്.

നടനായതുകൊണ്ട് പല പല കഥാപാത്രങ്ങൾക്കായി വേഷം ഇങ്ങനെ ഇടക്കിടക്ക് മാറ്റേണ്ടിവരും, പല രൂപങ്ങളും വേഷങ്ങളും മാറേണ്ടി വരും പക്ഷേ ഞാൻ തന്നെ അഭിനയിച്ച മറ്റൊരു ചിത്രത്തിന്റെ പ്രമോഷന് വേണ്ടി ഈ ​ഗെറ്റപ്പിൽ വരാൻ ഒട്ടും മടി തോന്നിയില്ലെന്നും താരം പറഞ്ഞു. ഇത് പണിയാകുമെന്ന് ഭാര്യ വീട്ടിൽ നിന്ന് ഇറങ്ങാൻ നേരം പറഞ്ഞിരുന്നു. ഞാൻ നാസയുടെ ഒരു ടീഷർട്ടായിരുന്നു ഇട്ടിരുന്നത്. അത് പറഞ്ഞതിന് അവളെ ഞാൻ കളിയാക്കി, പക്ഷേ തിരിച്ച് വീട്ടിൽ ചെന്നപ്പോൾ ഇപ്പോ എന്തായി എന്നാണ് ഭാര്യ ചോദിച്ചതെന്നും നടൻ പറയുന്നു.