ചിത്രങ്ങൾ സൂപ്പർ ഹിറ്റായ സമയത്ത് അഭിനയം നിർത്തൻ സഞ്ജയ് ലീല ബൻസാലി പറഞ്ഞു: അമീഷ പട്ടേൽ

ഗദർ 2 ന്റെ വിജയം ആഘോഷിക്കുകയാണ് നടി അമീഷ പട്ടേൽ. ആദ്യത്തെ ഗദർ സിനിമയുടെ റിലീസിന് ശേഷം 2001 ൽ ഇതുപോലെ വിജയം ആഘോഷിച്ചിരുന്നുവെന്നും നടി പറഞ്ഞു.

കഹോ നാ പ്യാർ ഹേ എന്ന ചിത്രമാണ് പിന്നീട് പുറത്തിറങ്ങിയത്, രണ്ട് ചിത്രങ്ങളും വൻ ഹിറ്റുകളായിരുന്നു. ഗദറിന് ശേഷം തന്റെ പ്രവർത്തനത്തെ അഭിനന്ദിച്ച് സംവിധായകൻ സഞ്ജയ് ലീല ബൻസാലിയുടെ കത്ത് ലഭിച്ചതായി അമീഷ പറഞ്ഞു. സഞ്ജയ് ലീല ബൻസാലി എനിക്ക് വളരെ മനോഹരമായ ഒരു കത്ത് എഴുതി, ഒരു അഭിനന്ദന കത്തായിരുന്നത്. അദ്ദേഹവുമായി ഒരു കൂടിക്കാഴ്ച നടത്തിയപ്പോൾ, അദ്ദേഹം പറഞ്ഞു, ‘അമീഷാ, നീ ഇപ്പോൾ വിരമിക്കണം.’ ഞാൻ ‘എന്തുകൊണ്ട്’ എന്ന മട്ടിലായിരുന്നു ചിന്തിച്ചത്.

എനിക്കൊന്നും മനസിലാകുന്നുണ്ടായിരുന്നില്ല. കഹോ നാ പ്യാർ ഹേ, ഗദർ എന്നീ ചിത്രങ്ങൾക്ക് ശേഷം, ഭൂൽ ഭുലയ്യ, ഹണിമൂൺ ട്രാവൽസ് പ്രൈവറ്റ് ലിമിറ്റഡ്, ഹംറാസ്, തോഡ പ്യാർ തോഡ മാജിക് തുടങ്ങിയ ചിത്രങ്ങളിൽ അമീഷ അഭിനയിച്ചിരുന്നു. എന്നാൽ അവയൊന്നും ആദ്യ രണ്ട് ചിത്രങ്ങളെപ്പോലെ വിജയിച്ചില്ല. എനിക്ക് ചെയ്യാൻ കഴിയാത്ത ഒരുപാട് സിനിമകൾ ഉണ്ടായിരുന്നു. ഡേറ്റ് പ്രശ്‌നങ്ങൾ കാരണം ഞാൻ അവ നിരസിച്ചു കളയുകയായിരുന്നെന്നും നടി.