തന്നെ എഴുതിത്തള്ളിയ പലരോടുമുള്ള ഒരെഴുപത്തിരണ്ടുകാരൻ രജനിയുടെ ​ഗർജനമായിരുന്നു ആ ചോദ്യം,”മനസ്സിലായോ?”: കുറിപ്പ്

ആ​ഗോള ഹിറ്റായി മാറിയ ജയിലറിലെ പ്രധാന വാക്കുകളിലൊന്ന് മലയാളത്തിലാണ്, അത് “മനസ്സിലായോ?” എന്നതാണ്. വിനായകന്റെ ഭാഷ മലയാളമായതിനാലാവണം രജനിസാറിന്റെ മാന്ത്രികശബ്ദത്തിൽ മലയാള വാക്ക് ലോകമെമ്പാടും ശ്രവിച്ചത്. ആരോടൊക്കെയാണ് ഈ ചോദ്യം. തന്നെ കാവേരി വിഷയത്തിൽ അപഹസിച്ച സത്യ രാജിനോടും, സൂപ്പർ സ്‌റ്റാർ വിവാദം എടുത്തിട്ട് അലമ്പാക്കിയ ശരത്കുമാറിനോടും, അതു കേട്ടിരുന്നു തല കുലുക്കി കയ്യടിച്ച് സമ്മതിച്ച ജോസഫ് വിജയ് യോടും തന്നെ എഴുതിത്തള്ളിയ പലരോടുമുള്ള ഒരെഴുപത്തിരണ്ടുകാരന്റെ മറുപടിയായിരുന്നു ആ ചോദ്യം, മലയാള ഭാഷയെ തലൈവർ ഒരു ഗർജ്ജനമാക്കി. “മനസ്സിലായോ?” എന്നാണെന്ന് സംവിധായകനും എഴുത്തുകാരനുമായ ജോൺ ഡിറ്റോ പറയുന്നു.

കുറിപ്പ് വായിക്കാം

ആഗോളതലത്തിൽ റെക്കോഡ് വിജയം നേടിയ ജയിലറിലെ ഏറ്റവും പ്രധാന ഡയലോഗ് മലയാളത്തിലാണ്. മലയാള ഭാഷയിൽ ” മനസ്സിലായോ ” എന്ന് തലൈവർ ചോദിക്കുന്നതാണ് സിനിമയുടെ അടയാള വാക്യം. വിനായകന്റെ ഭാഷ മലയാളമായതിനാലാവണം രജനിസാറിന്റെ മാന്ത്രികശബ്ദത്തിൽ മലയാള വാക്ക് ലോകമെമ്പാടും ശ്രവിച്ചത്.

ആരോടൊക്കെയാണ് ഈ ചോദ്യം. തന്നെ കാവേരി വിഷയത്തിൽ അപഹസിച്ച സത്യ രാജിനോടും, സൂപ്പർ സ്‌റ്റാർ വിവാദം എടുത്തിട്ട് അലമ്പാക്കിയ ശരത്കുമാറിനോടും, അതു കേട്ടിരുന്നു തല കുലുക്കി കയ്യടിച്ച് സമ്മതിച്ച ജോസഫ് വിജയ് യോടും തന്നെ എഴുതിത്തള്ളിയ പലരോടുമുള്ള ഒരെഴുപത്തിരണ്ടുകാരന്റെ മറുപടിയായിരുന്നു ആ ചോദ്യം.

അണ്ണാത്തേയും ഡർബാറും മഹാവിജയങ്ങളാവാതെ പോയപ്പോൾ പരിഹാസം ചൊരിഞ്ഞവർക്കു മുന്നിൽ ഞങ്ങൾ രജനി ആരാധകർ വിഷാദത്തോടെ നിന്നിരുന്നു. എങ്കിലും ആ മനുഷ്യൻ, തലൈവർ തോൽക്കരുതെന്ന് മനസ്സാ പ്രാർത്ഥിച്ചിരുന്നു.

എങ്കിലും ചങ്കിടിപ്പില്ലാതെ ജയിലർ ഓഡിയോ ലോഞ്ചിൽ നരച്ച താടിയും തടവി കൂളായി നിന്ന തലൈവരുടെ ആത്മബലം അതിശയിപ്പിച്ചു.

തുഞ്ചന്റെ അരുമക്കിളി ശാരികപ്പൈതൽ ചൊല്ലിയ സ്നിഗ്ദ്ധ മലയാള ഭാഷയെ തലൈവർ ഒരു ഗർജ്ജനമാക്കി. “മനസ്സിലായോ?”.