നിരന്തരം അവഹേളിക്കുന്നുവെന്ന് പരാതിയുമായി നടൻ ടൊവിനോ. പരാതിയിൽ കേസെടുത്ത് പോലീസ് അന്വേഷണം ആരംഭിച്ചു, കൊച്ചി സിറ്റി പോലീസ് കമ്മീഷ്ണർക്കാണ് താരം പരാതി നൽകിയത്. എറണാകുളം പനങ്ങാട് പോലീസ് ആണ് കേസ് രജിസ്റ്റർ ചെയ്ത് അന്വേഷണം ആരംഭിച്ചത്, പരാതിക്ക് ആസ്പദമായ ഇൻസ്റ്റഗ്രാം ലിങ്കും താരം പരാതിയോടൊപ്പം നൽകിയിട്ടുണ്ട്. കഴിഞ്ഞ ദിവസമാണ് എഫ്ഐആർ ഇട്ടത്. നിരന്തരമായി ഇൻസ്റ്റഗ്രാമിലൂടെ അപമാനിക്കുകയാണ് എന്നാണ് പരാതി നൽകിയിരിക്കുന്നത്. സൈബർ പോലീസിന്റെ സഹായത്തോടെ നടത്തിയ പരിശോധനയിൽ ആളെക്കുറിച്ച് മനസിലാക്കിയതായാണ് വിവരം.
നടൻ ടൊവിനോയുടെ പുതിയ ചിത്രം നടികർ തിലകത്തിന്റെ പോസ്റ്റർ കഴിഞ്ഞ ദിവസം പുറത്ത് ഇറങ്ങിയിരുന്നു. വൻ സ്വീകരണമാണ് പോസ്റ്ററിന് സമൂഹ മാധ്യമങ്ങളിലടക്കം ലഭിച്ചത്. സൗബിൻ, ബാലു വർഗീസ് എന്നിവരും ചിത്രത്തിലുണ്ട്. ഡ്രൈവിംങ് പോലീസ് എന്ന ചിത്രത്തിന് ശേഷമെത്തുന്ന ലാൽ ജൂനിയർ ചിത്രമാണിത്. ലാൽ ജൂനിയർ ചിത്രം അലൻ ആന്റണി, അനൂപ് വേണുഗോപാൽ എന്നിവരുടെ നേതൃത്വത്തിലുള്ള ഗോഡ് സ്പീഡാണ് ചിത്രം നടികർ തിലകം നിർമ്മിക്കുന്നത്.
സൈബർ പോലീസിന്റെ സഹായത്തോടെ നടത്തുന്ന അന്വേഷണം ഉടൻ പ്രതിയിലേക്ക് എത്തിച്ചേരുമെന്നാണ് പ്രതീക്ഷ. താരത്തിനെ അവഹേളിക്കുന്ന രീതിയിലുള്ള കാര്യങ്ങൾ ആരോപിച്ച വ്യക്തി നടത്തിയെന്നാണ് റിപ്പോർട്ടുകൾ.
Post Your Comments