വർഷങ്ങളായുള്ള സ്വപ്നത്തിന് പുറകെയുള്ള ഓട്ടത്തിന്റെ നെടുവീർപ്പ് നിറഞ്ഞതാണ് സനലിന്റെ ഈ കാത്തിരിപ്പ്: നടി സരയൂ

വെള്ളിയാഴ്ചയിലുള്ള സനലിന്റെ കാത്തിരിപ്പ് വർഷങ്ങളായുള്ള സ്വപ്നത്തിന് പുറകെയുള്ള ഓട്ടത്തിന്റെ നെടുവീർപ്പ് നിറഞ്ഞതാണ്.

അത്രമേൽ സ്വപ്നം കണ്ട്, കയ്യെത്തി പിടിച്ചു എന്ന് കരുതിയ ഇടത്തിൽനിന്ന് ഇടറി വീണ്, വീണ്ടും പിടഞ്ഞെണീറ്റ്, ആരോടും പരിഭവങ്ങൾ ഇല്ലാതെ, ലക്ഷ്യത്തിന് പുറകേ വീണ്ടും വീണ്ടുമോടി തന്നോട് തന്നെയുള്ള മത്സരത്തിൽ ആദ്യ കടമ്പ കടന്ന് എത്തി നിൽക്കുന്ന വെള്ളിയാഴ്ച ആണ്. സച്ചുവിന്റെ ആദ്യ സിനിമ “കുഞ്ഞമ്മിണിസ് ഹോസ്പിറ്റൽ” ന് നിറഞ്ഞ പോസ്റ്ററുകൾ ഇല്ലെങ്കിലും ചിത്രത്തെ കൈവിടരുതെന്ന് പറയുകയാണ് നടി സരയൂ.

കുറിപ്പ് വായിക്കാം

ഇന്നത്തെ ഈ വെള്ളിയാഴ്ചയിലേക്കുള്ള/വെള്ളിയാഴ്ചയിലുള്ള സനലിന്റെ കാത്തിരിപ്പ് വർഷങ്ങളായുള്ള സ്വപ്നത്തിന് പുറകെയുള്ള ഓട്ടത്തിന്റെ നെടുവീർപ്പ് നിറഞ്ഞതാണ്. അത്രമേൽ സ്വപ്നം കണ്ട്, കയ്യെത്തി പിടിച്ചു എന്ന് കരുതിയ ഇടത്തിൽനിന്ന് ഇടറി വീണ്, വീണ്ടും പിടഞ്ഞെണീറ്റ്, ആരോടും പരിഭവങ്ങൾ ഇല്ലാതെ,ലക്ഷ്യത്തിന് പുറകേ വീണ്ടും വീണ്ടുമോടി തന്നോട് തന്നെയുള്ള മത്സരത്തിൽ ആദ്യ കടമ്പ കടന്ന് എത്തി നിൽക്കുന്ന വെള്ളിയാഴ്ച ആണ്.

ഒരുപാട് സിനിമകൾ പ്രേക്ഷകരിലേക്ക് എത്തുന്നു. നല്ലത് കണ്ടില്ലെന്ന് നടിക്കില്ല എന്ന് മാത്രമല്ല നാലാളിലേക്ക് എത്താൻ കൂടെ നിൽക്കുന്നവരാണ് മലയാളി പ്രേക്ഷകർ. നിറഞ്ഞ പോസ്റ്റേഴ്സിന്റെ അഭാവത്തിലും പ്രൊമോഷൻ വർക്കുകളുടെ കുറവിലുമാണ് സിനിമ തീയേറ്ററുകളിലേക്ക് എത്തുന്നത് എന്നത് സത്യമാണ്, എങ്കിലും നിങ്ങൾക്ക് മുന്നിലേക്ക് ഞങ്ങളുടെ നിറഞ്ഞ പ്രതീക്ഷകളോടെ എന്റെ സച്ചുവിന്റെ ആദ്യ സിനിമ
“കുഞ്ഞമ്മിണിസ് ഹോസ്പിറ്റൽ” വന്ന് ചേരുകയാണ്.

കാണാൻ ശ്രമിക്കുമല്ലോ. സച്ചൂ. അഭിമാനം. സന്തോഷം, പിന്നിട്ട വഴികൾ പോലെ മുന്നോട്ടുള്ള യാത്രയിലും എന്നെന്നും കൂടെയുണ്ട്.