നടൻ ദുൽഖർ സൽമാൻ അഭിനയിച്ച ഹീരിയേ എന്ന മ്യൂസിക് ഗാനം അടുത്തിടെ പുറത്തിറങ്ങിയിരുന്നു.
വൻ വരവേൽപ്പായിരുന്നു താരത്തിന്റെ വീഡിയോയ്ക്ക് ലഭിച്ചത്. ജസ്ലീൻ റോയലും അർജിത് സിങ്ങുമായിരുന്നു ഗാനം പാടിയത്.
എന്നാൽ താരത്തിന്റെ മ്യൂസിക് വീഡിയോ പങ്കുവച്ചുകൊണ്ട്, എന്തിനാണ് ഇത്തരം ആൽബങ്ങളിൽ അഭിനയിക്കുന്നതെന്നും ആ സമയത്ത് ഏതെങ്കിലും സിനിമയിൽ അഭിനയിച്ചു കൂടേ എന്നാണ് ഒരാൾ ചോദിച്ചിരിക്കുന്നത്.
കലയിൽ ചെറുത്, വലുത് എന്നൊന്നില്ല. എല്ലാത്തിനേയും ബഹുമാനിക്കണം, ചെയ്യുന്ന തൊഴിലിൽ സന്തോഷമായിരിക്കണമെന്നും ഒറിജിനലായ എന്തിന്റേയും ഭാഗമാകുന്നതിൽ സന്തോഷമേ ഉള്ളൂവെന്നും നിങ്ങളും ഇഷ്ടമുള്ളത് ചെയ്യൂവെന്നാണ് താരം മറുപടി നൽകിയത്.
Post Your Comments