തെലുങ്കിലും തിളങ്ങി താരം, നടൻ ഫഹദിന് ലഭിക്കുന്നത് വമ്പൻ പ്രതിഫലം

മലയാള പ്രേക്ഷകരും തെലുങ്ക് പ്രേക്ഷകരും ഏറെ കാലമായി കാത്തിരിക്കുന്ന അല്ലു അർജുൻ ചിത്രമാണ് പുഷ്പ ദി റൂൾ.

ആദ്യഭാ​ഗമായ പുഷ്പ ദി റൈസ് വമ്പൻ വിജയമായി തീർന്നിരുന്നു, അല്ലു അർജുൻ ചിത്രത്തിൽ നായകനൊപ്പം തന്നെ കൈയ്യടി നേടിയ കഥാപാത്രമായിരുന്നു ഫഹദിന്റെ ബൻവർ സിംങ് ഷെഖാവത്ത്.

വേറിട്ട ​ഗെറ്റപ്പും ലുക്കും തീക്ഷ്ണമായ നോട്ടവും ഫദദിനെ സൂപ്പർ ഹിറ്റാക്കി മാറ്റിയിരുന്നു. അടുത്ത ഭാ​ഗം വരുമ്പോഴും ഫഹദ് വമ്പൻ പ്രതിഫലമാണ് വാങ്ങിക്കുന്നതെന്നാണ് റിപ്പോർട്ടുകൾ.

വില്ലനായെത്താൻ 6 കോടിയാണ് പ്രതിഫലം വാങ്ങുന്നതെന്നാണ് വാർത്തകൾ. പുഷ്പയും ഷെഖാവത്തും നേർക്കുനേർ വരുന്ന പോരാട്ട രം​ഗങ്ങളും, കോമ്പിനേഷൻ സീനുകളും രണ്ടാം ഭാ​ഗത്തിൽ യഥേഷ്ടമുണ്ടെന്നാണ് റിപ്പോർട്ടുകൾ. തെലുങ്കിലും ഫഹദിന് വൻ സ്വീകാര്യതയാണുള്ളത്.