നടനും അവതാരകനുമായ ​ഗോവിന്ദ് പത്മസൂര്യ സഞ്ചരിച്ച വാഹനം അപകടത്തിൽ പെട്ടു

നടനും അവതാരകനുമായ ​ഗോവിന്ദ് പത്മസൂര്യ സഞ്ചരിച്ച വാഹനം നിയന്ത്രണം നഷ്ടമായി അപകടത്തിൽ പെട്ടു.

ജിപി എന്ന ​ഗോവിന്ദ് പത്മസൂര്യ സഞ്ചരിച്ചിരുന്ന കാർ നിയന്ത്രണം വിട്ട് റോഡിൽ നിർത്തിയിട്ടിരുന്ന മറ്റൊരു കാറിൽ ഇടിക്കുകയായിരുന്നു.

ദേശമം​ഗലം പഞ്ചായത്തിലെ ആറങ്ങോട്ട് കരയിലാണ് സംഭവം, അപകടത്തിലാർക്കും പരിക്കില്ല. പട്ടാമ്പിയിൽ നിന്നും കൊച്ചിയിലേക്ക് ഷൂട്ടിങ്ങിനായി വരുമ്പോഴായിരുന്നു സംഭവം.

എതിരെ വരികയായിരുന്ന സ്കൂൾ വാനിന് സൈഡ് കൊടുക്കവേയാണ് നിയന്ത്രണം നഷ്‍ടമായി മറ്റൊരു കാറിൽ ഇടിച്ചത്. അപകടം നടന്ന ഉടനേ ചെറുതുരുത്തി പോലീസ് സ്ഥലത്തെത്തുകയും ചെയ്തു.