അനുവാദമില്ലാതെ ശരീരത്ത് തൊട്ട് പോകരുത്, ആരാധകനോട് ദേഷ്യപ്പെട്ട് നടി ആഹാന കുമ്ര: വൈറൽ വീഡിയോ

അനുവാദമില്ലാതെ ശരീരത്ത് സ്പർശിക്കാൻ നോക്കിയ ആരാധകനോട് ദേഷ്യപ്പെട്ട് ബോളിവുഡ് താരം ആഹാന കുമ്ര. അടുത്തിടെ മുംബൈയിൽ നടന്ന ഒരു പരിപാടിയിൽ വച്ച് തന്നോടൊപ്പം സെൽഫി എടുക്കുന്നതിനിടെയാണ് തന്നെ തൊടാൻ ശ്രമിച്ച ആരാധകനെ നടി അഹാന കുമ്ര തള്ളിമാറ്റിയത്.

ഇൻറർനെറ്റിൽ പ്രചരിക്കുന്ന വീഡിയോയിൽ ഒരു ആരാധകൻ ആഹാനയ്‌ക്കൊപ്പം സെൽഫി എടുക്കാൻ അടുത്തേക്ക് നടക്കുന്നതും സെൽഫിക്കായി ക്ലിക്കുചെയ്യുമ്പോൾ, ആരാധകൻ കൈയിൽ പിടിക്കുന്നതും എല്ലാം കാണാം, എന്നാൽ ഇത് നടിയെ രോഷാകുലയാക്കി. “എന്നെ തൊടരുത്” എന്ന് കുമ്ര ദേഷ്യപ്പെടുന്നത് വീഡിയോയിൽ വ്യക്തമാണ്.

എന്നാൽ വീഡിയോ സോഷ്യൽ മീഡിയയിൽ വൈറലായതോടെ ആഹാന കുമ്രയ്ക്ക് പിന്തുണയുമായി ഒട്ടനവധി ആരാധകർ രംഗത്തെത്തി. ദയവായി ഒരാളുടെ അനുവാദമില്ലാതെ ശരീരത്ത് തൊടരുത്, മറ്റുള്ളവരുടെ പ്രൈവസിയിൽ കടന്നു ചെന്ന് എല്ലാ അതിരുകളും ലംഘിക്കുന്നത് മറ്റുള്ളവരെ അസ്വസ്ഥരാക്കും, ഫോട്ടോ എടുക്കുമ്പോൾ ആ മനുഷ്യൻ നിങ്ങളുടെ കൈ പിടിച്ചത് തെറ്റാണ് എന്നിങ്ങനെ നിരവധി കമന്റുകളാണ് ആരാധകർ നൽകുന്നത്.

ലിപ്സ്റ്റിക് അണ്ടർ മൈ ബുർഖ, ദി ആക്‌സിഡന്റൽ പ്രൈം മിനിസ്റ്റർ, ദി ബ്ലൂബെറി ഹണ്ട് തുടങ്ങിയവയാണ് അഹാന കുമ്രയുടെ പ്രശസ്ത ചിത്രങ്ങൾ.