എന്റെ ചിത്രം കെന്നഡി എഴുതിയത് ചിയാൻ വിക്രത്തെ മനസ്സിലോർത്ത്, പക്ഷേ സമീപിച്ചപ്പോൾ പ്രതികരിച്ചില്ല: അനുരാ​ഗ് കശ്യപ്

കെന്നഡി എഴുതിയത് ചിയാൻ വിക്രത്തെ മനസ്സിലോർത്ത്, പക്ഷേ സമീപിച്ചപ്പോൾ പ്രതികരിച്ചില്ലെന്ന് സംവിധായകൻ അനുരാ​ഗ് കശ്യപ്.

ഈ സിനിമ എഴുതുമ്പോൾ വിക്രം മനസ്സിൽ ഉണ്ടായിരുന്നു, അതുകൊണ്ടാണ് ചിത്രത്തിന് കെന്നഡി എന്ന് പേരിട്ടതെന്നും സംവിധായകൻ അനുരാ​ഗ് കശ്യപ് പറഞ്ഞു.

സംവിധായകൻ അനുരാഗ് കശ്യപ് തന്റെ ചിത്രമായ കെന്നഡിയുടെ പ്രീമിയർ കാൻ ഫിലിം ഫെസ്റ്റിവലിൽ ഒരുങ്ങുകയാണ്. സണ്ണി ലിയോണും രാഹുൽ ഭട്ടും അഭിനയിക്കുന്ന ചിത്രം ബുധനാഴ്ച പ്രീമിയർ ചെയ്യും. എന്നാൽ കെന്നഡിയുടെ ആദ്യ ചോയ്‌സ് രാഹുൽ ഭട്ടായിരുന്നില്ലെന്നാണ് താരം വെളിപ്പെടുത്തിയിരിക്കുന്നത്.

ഈ സിനിമയുമായി ഞാൻ വിക്രത്തെ സമീപിച്ചു, അദ്ദേഹം ഒരിക്കലും പ്രതികരിച്ചില്ല, അതിനാൽ ഞാൻ രാഹുലിന്റെ അടുത്തെത്തുകയായിരുന്നുവെന്ന് അനുരാ​ഗ് കശ്യപ് പറഞ്ഞു.

എന്നാൽ ആ സമയത്ത് അദ്ദേഹം മുൻകൂട്ടി നിശ്ചയിച്ച കുറച്ച് സിനിമകൾ ചെയ്യേണ്ടിയിരുന്നു, തന്റെ ജീവിതത്തിന്റെ എട്ട് മാസമാണ് അദ്ദേഹം കെന്നഡിക്ക് നൽകിയതെന്നും അനുരാ​ഗ് കശ്യപ്.

രാഹുലെന്ന നടന്റെ ആത്മാർത്ഥത, ആ വേഷത്തോടുള്ള അർപ്പണം അവിശ്വസനീയമായിരുന്നുവെന്നും സംവിധായകൻ അനുരാ​ഗ് കശ്യപ് പറഞ്ഞു. ഫിലിം ഗാലയുടെ മിഡ്‌നൈറ്റ് സ്‌ക്രീനിംഗ് വിഭാഗത്തിന് കീഴിൽ കെന്നഡി പ്രദർശിപ്പിക്കും. ഇതിന് മുമ്പ്, അനുരാഗ് കശ്യപ് സംവിധാനം ചെയ്ത ഗാങ്‌സ് ഓഫ് വാസിപൂർ 2012 ലെ കാൻ ഡയറക്‌ടേഴ്‌സ് ഫോർട്ട്‌നൈറ്റിൽ പ്രദർശിപ്പിച്ചിരുന്നു.