പഞ്ചാബി എഴുത്തുകാരിയും അഭിനേത്രിയുമായ പ്രീതി പ്രവീൺ മലയാള സിനിമയിലേക്ക്: ‘അനക്ക് എന്തിന്റെ കേടാ’, ഒരുങ്ങുന്നു

കൊച്ചി: പഞ്ചാബി അഭിനേത്രി പ്രീതി പ്രവീൺ മലയാള സിനിമയിൽ നടിയായി അരങ്ങേറ്റം നടത്തുന്നു. ബിഎംസിയുടെ ബാനറിൽ ഫ്രാൻസിസ് കൈതാരത്ത് നിർമ്മിച്ച്, മാധ്യമ പ്രവർത്തകനായ ഷമീർ ഭരതന്നൂർ രചനയും സംവിധാനവും നിർവ്വഹിക്കുന്ന ‘അനക്ക് എന്തിന്റെ കേടാ’ എന്ന ചിത്രത്തിലൂടെയാണ് പ്രീതി പ്രവീൺ മലയാള സിനിമയിൽ എത്തുന്നത്. ചിത്രം ഉടൻ തിയറ്ററിലെത്തും.

വിനീത് ശ്രീനിവാസൻ പുറത്തുവിട്ട ചിത്രത്തിന്റെ ഫസ്റ്റ് ലുക്ക്‌ പോസ്റ്റർ പ്രേക്ഷകർ ഏറ്റെടുത്തിരുന്നു. തൊഴിൽപരമായി മനശാസ്ത്രജ്ഞയും ഒപ്പം ഹൃദയ സ്പർശിയായ എഴുത്തുകാരിയും അഭിനേതാവും സാമൂഹിക പ്രവർത്തകയുമെല്ലാമാണ് പ്രീതി പ്രവീൺ. കഴിഞ്ഞ 15 വർഷമായി ബഹ്‌റൈനിൽ കുടുംബത്തിനൊപ്പം താമസിക്കുന്ന അവർ നാടകങ്ങൾ, ഹ്രസ്വ ചിത്രങ്ങൾ എന്നിവ എഴുതുകയും സംവിധാനം ചെയ്യുകയും അഭിനയിക്കുകയും ചെയ്തിട്ടുണ്ട്. ഭർത്താവ് മലയാളിയായ പ്രവീണാണ്.

70 കോടി മുടക്കി, ആകെ കിട്ടിയത് വെറും 13 കോടി: ‘ഏജന്റ്’ പരാജയത്തിൽ പ്രതികരിച്ച് അഖിൽ അക്കിനേനി

‘നായികയുടെ മാതാവ് ആയാണ് താൻ അഭിനയിച്ചിരിക്കുന്നത്. എല്ലാവർക്കും തന്റെ കഥാപാത്രം ഇഷ്ടമാകുമെന്നാണ് കരുതുന്നത്. അതിനായി പ്രാർത്ഥിക്കുന്നുണ്ട്. ഇനിയും അവസരങ്ങൾ വന്നാൽ മലയാളത്തിൽ തുടർന്നും അഭിനയിക്കണമെന്നുണ്ട്,’ പ്രീതി പ്രവീൺ പറയുന്നു.

മലയാളത്തിലുള്ള ഡയലോഗുകൾ ഇംഗ്ലീഷിൽ തർജിമ ചെയ്ത് പഠിച്ച് കൃത്യമായി ഗൃഹപാഠം ചെയ്താണ് പ്രീതി പ്രവീൺ അഭിനയിച്ചത്. സെറ്റിൽ എല്ലാവരും പ്രോത്സാഹിപ്പിച്ചു. സംവിധായകൻ ഷമീർ, ഒപ്പം അഭിനയിച്ച സന്തോഷ് കുറുപ്പ്, സ്നേഹ അജിത്ത്, അച്ചു സുഗന്ധ്, അനീഷ് ധർമ്മ എന്നിവർ നല്ല പിന്തുണ നൽകി. അതൊന്നും മറക്കാൻ കഴിയുന്നതല്ലെന്നും അവർ കൂട്ടിച്ചേർത്തു.

അന്ന് ഞാന്‍ കേരളത്തില്‍ നിന്നും ഓടിപ്പോയതാണ്, എന്നെയും കുടുംബത്തെയും ജീവിക്കാന്‍ വിട്ടില്ല; വിവാദത്തെ കുറിച്ച് മംമ്ത

അഖിൽ പ്രഭാകർ, സ്നേഹ അജിത്ത്, സുധീർ കരമന, സായ്കുമാർ, മധുപാൽ, ബിന്ദുപണിക്കർ, വീണ, വിജയകുമാർ, കൈലാഷ്, ശിവജി ഗുരുവായൂർ, കലാഭവൻ നിയാസ്, റിയാസ് നെടുമങ്ങാട്, വീണ, കുളപ്പുള്ളി ലീല, സന്തോഷ് കുറുപ്പ്, അച്ചു സുഗന്ധ്, അനീഷ് ധർമൻ, ബന്ന ചേന്നമംഗലൂർ, ജയാമേനോൻ, പ്രകാശ് വടകര, ഇഷിക, പ്രീതി പ്രവീൺ, സന്തോഷ് അങ്കമാലി, മാസ്റ്റർ ആദിത്യദേവ്, ഇല്യൂഷ്, പ്രഗ്നേഷ് കോഴിക്കോട്, മുജീബ് റഹ്മാൻ ആക്കോട്, ബീന മുക്കം, ജിതേഷ് ദാമോദർ, മുനീർ, മേരി, ഡോ. പിവി ചെറിയാൻ, ബിജു സർവാൻ, അൻവർ നിലമ്പൂർ, അനുറാം, ഫൈസൽ പുത്തലത്ത്​, രാജ്​ കോഴിക്കോട്​, സുരേഷ്​ കനവ്​, ഡോ. ഷിഹാൻ, രമണി മഞ്ചേരി, പുഷ്പ മുക്കം തുടങ്ങിയവർ അഭിനയിക്കുന്നു.

പ്രശസ്ത സംവിധായകൻ ലെനിൻ രാജേന്ദ്രൻ്റെ പുത്രൻ ഗൗതം ലെനിനാണ് ഛായാഗ്രഹണം നിർവ്വഹിച്ചിരിക്കുന്നത്.
പിആർഒ – എ കെ ഷെജിൻ