എന്തുകൊണ്ട് ക്രൂരനായ ആ കൊലപാതകിയെ കൊല്ലാതെ വിട്ടു: വിമർശിച്ച് മംമ്ത

കഴിഞ്ഞ ദിവസം പോലീസുകാർ ആശുപത്രിയിൽ വിലങ്ങില്ലാതെ എത്തിച്ച പ്രതിയുടെ കുത്തേറ്റ് കൊല്ലപ്പെട്ട ഡോക്ടർ വന്ദനയുടെ മരണത്തിൽ രോഷം രേഖപ്പെടുത്തി നടി മംമ്ത.

അതേ സമയം പോലീസ് ഉദ്യോ​ഗസ്ഥരുടെ അനാസ്ഥ കൊണ്ടാണ് ഡോക്ടർ മരിച്ചതെന്ന് ആരോപിച്ച് വൻ പ്രതിഷേധമാണ് ഉയരുന്നത്. അച്ഛന്റെയും അമ്മയുടെയും ഏക മകളായിരുന്നു മരണപ്പെട്ട ഡോക്ടർ വന്ദന.

മയക്കുമരുന്ന് ഉപയോ​ഗിച്ച് മാനസിക നില തെറ്റിയ ആളുകളുടെ ഇരകളാവുകയാണോ നമ്മളെന്ന് മംമ്ത ചോദിക്കുന്നു. മാനസിക നില തെറ്റിയവരുടെ ഈ ലോകത്ത് ജീവിക്കുന്നത് ഒട്ടും സുരക്ഷിതമായി തോന്നുന്നില്ലെന്നും നടി മംമ്ത.

ഉത്തരവാദിത്തമുള്ളവരുടെ അനാസ്ഥയാണ് ഒരു ആഴ്ച്ചക്കിടയിൽ നടന്ന ഈ രണ്ട് സംഭവങ്ങളുടെയും കാരണമെന്നും നടി ആരോപിച്ചു. ബോട്ടപകടവും ഡോക്ടറുടെ മരണവും ഉദ്യോ​ഗസ്ഥരുടെ അനാസ്ഥ മൂലമെന്നാണ് നടി പറയുന്നത്.

വന്ദനയുടെ മാതാപിതാക്കൾ കടന്നുപോകുന്ന അവസ്ഥയോർത്ത് സങ്കടമുണ്ടെന്ന് നടി കുറിച്ചു. അവർ കടന്നുപോകുന്ന അവസ്ഥ സങ്കൽപ്പിക്കാൻ കഴിയില്ല. അവർക്കുണ്ടായിരുന്ന ഒരേയൊരു കുട്ടിയാണ് പോയത്, പോയവർക്ക് പോയെന്നും നടി.