പ്രമുഖ കന്നഡ സംവിധായകന്‍ എസ്‌ കെ ഭഗവന്‍ ( ശ്രീവാസ കരിഷ് അയ്യങ്കാര്‍ ഭഗവാന്‍ ) അന്തരിച്ചു. വാര്‍ധക്യ സഹജമായ രോഗങ്ങളെ തുടര്‍ന്ന് സ്വകാര്യ ആശുപത്രിയില്‍ ചികിത്സയിലിരിക്കെയാണ് അന്ത്യം.
സംവിധായക സഹായി ആയി തന്റെ കരിയര്‍ ആരംഭിച്ച ഭഗവന്‍ 1966ല്‍ റിലീസ് ചെയ്ത സന്ധ്യ രാഗ എന്ന ചിത്രത്തിലൂടെയാണ് സ്വതന്ത്ര്യ സംവിധായകനാവുന്നത്. ജെഡറ ബാലെ എന്ന ചിത്രത്തിനു ശേഷം ബി ദൊരൈരാജുമായി ചേര്‍ന്ന് സിനിമകള്‍ എടുക്കാന്‍ തുടങ്ങി.
ദൊരൈ- ഭഗവന്‍ എന്ന പേരിൽ സിനിമകള്‍ ഒരുക്കിയ ഇരുവരും ചേര്‍ന്ന് 50ല്‍ അധികം സിനിമകള്‍ സംവിധാനം ചെയ്തു. കസ്തുരി നിവസ, ഇരഡു കനസു, ബയലു ദാരി, ജീവന ചൈത്ര, ഗലി മാടു, ഹോസ ബേലകു, ഓപ്പറേഷന്‍ ഡയമണ്ട് റോക്കറ്റ്, തുടങ്ങിയവയാണ് ഹിറ്റ് സിനിമകള്‍.
Post Your Comments