സാന്ത്വനം സീരിയലിലെ ജയന്തി എന്ന കഥാപാത്രമായി മിനിസ്‌ക്രീന്‍ പ്രേക്ഷകര്‍ക്ക് പ്രിയങ്കരിയാണ് നടി അപ്സര രത്‌നാകരന്‍. നെഗറ്റീവ് കഥാപാത്രമാണെങ്കിലും ജയന്തിയിലൂടെ നിരവധി പേരുടെ ഇഷ്ടം സ്വന്തമാക്കാന്‍ അപ്‌സരയ്ക്ക് കഴിഞ്ഞിട്ടുണ്ട്. അപ്സര മുന്‍പ് നായികയായിരുന്ന സീരിയലിന്റെ സംവിധായകന്‍ ആയിരുന്നു ഭര്‍ത്താവ് ആല്‍ബി. വിവാഹശേഷം തങ്ങളുടെ വിശേഷങ്ങള്‍ ആരാധകരുമായി പങ്കുവെച്ച്‌ ഇവര്‍ എത്താറുണ്ട്. തങ്ങളുടെ പേരില്‍ നടക്കുന്ന തട്ടിപ്പിനെ കുറിച്ച്‌ പറഞ്ഞാണ് താരദമ്പതികളുടെ വീഡിയോ.
താരത്തിന്റെ വാക്കുകൾ :
കഴിഞ്ഞ കുറച്ച്‌ നാളുകളായി തങ്ങള്‍ പങ്കുവയ്ക്കുന്ന വീഡിയോയ്ക്ക് എല്ലാം താഴെ ഒരു ടെലഗ്രാം മെസേജ് വരുന്നുണ്ട്. അപ്സര ആല്‍ബി എന്ന് പേരും ഫോട്ടോയും വച്ചുകൊണ്ടുള്ള ടെലഗ്രാം അക്കൗണ്ടില്‍ നിന്നുമാണ് മെസേജുകള്‍ വരുന്നത്. ഞങ്ങളുടെ വീഡിയോയ്ക്ക് താഴെ കമന്റ് ഇടുന്നവരോട് നിങ്ങള്‍ ഞങ്ങളുടെ ഒരു കോണ്ടസ്റ്റ് ജയിച്ചിരിക്കുന്നു, സമ്മാനമുണ്ട്, ഗിവ് എവേയുണ്ട് എന്നൊക്കെ പറഞ്ഞാണ് മെസേജുകള്‍ വരുന്നത്. എന്നാല്‍ ആരും അത് വിശ്വസിക്കരുത്. അത് ഞങ്ങളല്ല. ഞങ്ങള്‍ക്ക് രണ്ട് പേര്‍ക്കും അങ്ങനെ ഒരു അക്കൗണ്ടുമായി യാതൊരു ബന്ധവും ഇല്ല. ഞങ്ങള്‍ക്ക് ടെലഗ്രാം ഐഡി പോലും ഇല്ലെന്നും അപ്സരയും ആല്‍ബിയും പറഞ്ഞു. ഞങ്ങളെ സ്‌നേഹിക്കുന്നവര്‍ വഞ്ചിക്കപ്പെടരുത് എന്നുള്ളത് കൊണ്ടാണ് ഇപ്പോള്‍ ഈ വീഡിയോ.
പേരും ഫോട്ടോയും ഞങ്ങളുടെ പേരില്‍ ആയതിനാല്‍ ഇതിന് ഒരു വ്യക്തത നല്‍കേണ്ടത് ഞങ്ങളുടെ ഉത്തരവാദിത്വമാണ്. ഞങ്ങളോടുള്ള സ്‌നേഹത്തിന്റെയും വിശ്വാസത്തിന്റെയും പേരിലായിരിക്കുമല്ലോ അങ്ങനെ വരുന്ന ഒരു മെസേജില്‍ നിങ്ങള്‍ ക്ലിക്ക് ചെയ്യുന്നത്. ഞങ്ങളെ സ്‌നേഹിക്കുന്നവര്‍ വഞ്ചിക്കപ്പെടരുത് എന്നുള്ളത് കൊണ്ടാണ് ഇപ്പോള്‍ ഈ വീഡിയോ ചെയ്യുന്നത്.
തുടക്കത്തില്‍ ഇങ്ങനെ മെസേജുകള്‍ കണ്ടപ്പോള്‍ ഞങ്ങള്‍ അത് അത്ര കാര്യമാക്കിയിരുന്നില്ല. സോഷ്യല്‍ മീഡിയയില്‍ ഇത്തരം തട്ടിപ്പുകളും മെസേജുകളും ധാരാളമായി വരുന്നത് കൊണ്ട് ആളുകള്‍ അതിനെ അത്ര ഗൗരവമായി എടുക്കില്ല എന്ന് കരുതി. എന്നാല്‍ ‘ഞങ്ങള്‍ റിപ്ലേ ചെയ്തിട്ട് എന്താ നിങ്ങള്‍ സമ്മാനം തരാത്തത്’ എന്ന് ചോദിച്ച്‌ ചിലര്‍ പേഴ്‌സണലി മെസേജുകള്‍ അയക്കാന്‍ തുടങ്ങിയപ്പോഴാണ് സംഭവത്തിന്റെ ഗൗരവം മനസ്സിലായത്.
അത് ഞങ്ങളല്ല, ഞങ്ങളങ്ങനെ ഒരു ഗിവ് എവേയും നല്‍കുന്നില്ല. ഈ തട്ടിപ്പ് നടത്തുന്ന ആളെ കുറിച്ച്‌ ഞങ്ങള്‍ അന്വേഷിച്ചിരുന്നു. എന്റെ ചില സുഹൃത്തുക്കള്‍ക്കും ഇതേ അനുഭവം ഉണ്ടായതായി അറിയാന്‍ സാധിച്ചു. അതിന്റെ അടിസ്ഥാനത്തില്‍ മറ്റൊരു ഫേക്ക് അക്കൗണ്ടില്‍ നിന്ന് ഇയാളുമായി ആല്‍ബി ചേട്ടന്‍ സംസാരിച്ചിരുന്നു. അയാള്‍ വളരെ സീരിയസ് ആയിട്ടാണ് ഈ തട്ടിപ്പിനെ കാണുന്നതെന്ന് അപ്സര പറയുന്നു. പണം തട്ടുക എന്നത് തന്നെയാണ് അയാളുടെ ഉദ്ദേശം. അതുകൊണ്ട് ആരും ചതിക്കപ്പെടരുത്. ഞങ്ങള്‍ക്ക് എന്തെങ്കിലും നിങ്ങളുമായി സംസാരിക്കാനുണ്ടെങ്കില്‍ ഇതുപോലെ നേരിട്ട് വീഡിയോയില്‍ വന്ന് കാര്യങ്ങള്‍ പറയുന്നതായിരിക്കും. അല്ലാതെ കമന്റിന് താഴെ വന്ന് രഹസ്യമായി ഞങ്ങള്‍ക്ക് ഒന്നും പറയാനില്ല. ഇങ്ങനെ വരുന്ന മെസേജുകള്‍ക്ക് മറുപടി നല്‍കാനോ, ലിങ്കില്‍ ക്ലിക്ക് ചെയ്യാനോ ഒ ടി പി വിവരങ്ങള്‍ കൈമാറാനോ നില്‍ക്കരുത്. ഇതിനെ ഞങ്ങള്‍ നിയപരമായി നേരിടും.’
Post Your Comments