കങ്കണ കേന്ദ്രകഥാപാത്രത്തിലെത്തുന്ന പുതിയ ചിത്രമാണ് ‘എമര്‍ജൻസി’. ചിത്രത്തിൽ ഇന്ദിരാ ഗാന്ധിയായിട്ടാണ് കങ്കണ അഭിനയിക്കുന്നത്. ചിത്രം സംവിധാനം ചെയ്യുന്നതും കങ്കണ തന്നെയാണ്. ഇപ്പോഴിതാ, ചിത്രത്തിന്റെ ചിത്രീകരണം പൂർത്തിയായതായി താരം ട്വിറ്ററിൽ അറിയിച്ചു. താൻ സംവിധാനം ചെയ്യുന്ന പുതിയ ചിത്രത്തിന്റെ ചിത്രീകരണം അഭിനേതാവ് എന്ന നിലയില്‍ പൂര്‍ത്തിയാക്കിയിരിക്കുകയാണ് എന്ന് കങ്കണ അറിയിച്ചു.
എല്ലാം വളരെ സുഗമമായിട്ടില്ല നടന്നതെന്നും വളരെ കഠിനമായ സാഹചര്യങ്ങളിലൂടെയാണ് കടന്നുപോയത് എന്നും കങ്കണ പങ്കുവെച്ച കുറിപ്പില്‍ പറയുന്നു. ചിത്രീകരണത്തിനിടെ ഡെങ്കി രോഗം ബാധിച്ചതും കുറിപ്പില്‍ കങ്കണ സൂചിപ്പിക്കുന്നു. താൻ സാമൂഹ്യ മാധ്യമങ്ങളില്‍ എന്നും തന്റെ വിചാരങ്ങള്‍ തുറന്നുപറയാറുണ്ടെങ്കിലും ഇത്തവണ എല്ലാം പങ്കുവയ്ക്കുന്നില്ലെന്നും കങ്കണ വ്യക്തമാക്കി.
ചിത്രത്തിന് തിരക്കഥ, സംഭാഷണം ഒരുക്കിയിരിക്കുന്നത് റിതേഷ് ഷാ ആണ്. മണികര്‍ണിക ഫിലിംസിന്‍റെ ബാനറില്‍ കങ്കണയും രേണു പിറ്റിയും ചേര്‍ന്നാണ് നിര്‍മ്മാണം. കങ്കണയുടെ രണ്ടാമത് സംവിധാന സംരംഭമാണ്. കങ്കണ തന്നെ ടൈറ്റില്‍ കഥാപാത്രത്തെ അവതരിപ്പിച്ച് 2019ല്‍ പുറത്തെത്തിയ ‘മണികര്‍ണിക: ദ് ക്വീന്‍ ഓഫ് ഝാന്‍സി’യായിരുന്നു സംവിധാനം ചെയ്ത ആദ്യ ചിത്രം.
എന്നാല്‍, ഇത് കൃഷ് ജഗര്‍ലമുഡിക്കൊപ്പമാണ് കങ്കണ സംവിധാനം ചെയ്തത്. കങ്കണ ആദ്യമായി സ്വതന്ത്ര സംവിധായികയാകുന്ന ചിത്രമെന്ന നിലയില്‍ ‘എമര്‍ജൻസി’ 2023ല്‍ തിയറ്ററുകളിലെത്തും. തന്‍വി കേസരി പശുമാര്‍ഥിയാണ് ‘എമര്‍ജൻസിടയുടെ അഡീഷണല്‍ ഡയലോഗ്‍സ് ഒരുക്കുന്നത്. അസോസിയേറ്റ് പ്രൊഡ്യൂസര്‍ അക്ഷത് റണൗത്ത്.
Read Also:- ഡബിള്‍ റോളിൽ രവി തേജ, വില്ലനായി ജയറാം: ‘ധമാക്ക’ ഒടിടിയിൽ
എക്സിക്യൂട്ടീവ് പ്രൊഡ്യൂസര്‍ സമീര്‍ ഖുറാന, ഛായാഗ്രഹണം ടെറ്റ്സുവോ നഗാത്ത, എഡിറ്റിംഗ് രാമേശ്വര്‍ എസ് ഭഗത്ത്, പ്രൊഡക്ഷന്‍ ഡിസൈനര്‍ രാകേഷ് യാദവ്, വസ്‍ത്രാലങ്കാരം ശീതള്‍ ശര്‍മ്മ, പ്രോസ്‍തെറ്റിക് ഡിസൈനര്‍ ഡേവിഡ് മലിനോവിസ്‍കി. ജി വി പ്രകാശ് കുമാര്‍ സംഗീത സംവിധാനം നിര്‍വ്വഹിക്കുന്നു.
Post Your Comments