ഐശ്വര്യ റായിയുമായിട്ടുള്ള ബന്ധത്തെ കുറിച്ച് ചോദിക്കുമ്പോഴെല്ലാം നടൻ വിവേക് ഒബ്രോയ് ഒഴിഞ്ഞുമാറുകയാണ് പതിവാണ്. ഇപ്പോഴിതാ അടുത്തിടെ ഒരു അഭിമുഖത്തില്‍ ഈ ഒഴിഞ്ഞുമാറലിന്റെ പിന്നിലുള്ള കാരണമെന്തെന്ന ചോദ്യത്തിന് വ്യക്തമായ മറുപടി നൽകുകയാണ് താരം. ഐശ്വര്യ റായിയുമായിട്ടുള്ള നിങ്ങളുടെ ബന്ധത്തെ കുറിച്ച് സംസാരിക്കൂ എന്നായിരുന്നു അഭിമുഖത്തിനിടെ നടനോട് ആവശ്യപ്പെട്ടത്.
‘ഈ ചോദ്യത്തിന് ഞാന്‍ ഉത്തരം പറയാന്‍ പോകുന്നില്ല. കാരണം, അത് പൂര്‍ത്തിയായി. അത് ഉപേക്ഷിക്കുകയും ചെയ്തു. ആളുകള്‍ നമ്മുടെ സ്വകാര്യ ജീവിതത്തെ കുറിച്ച് സംസാരിക്കേണ്ട ആവശ്യമില്ലെന്ന് ഞാന്‍ മനസിലാക്കി. നമ്മുടെ കുടുംബത്തോട് അത്രയും അടുപ്പവും സെന്‍സിറ്റീവുമാണെങ്കില്‍ അതിനെ എല്ലാവരുടെയും മുന്നില്‍ തുറന്ന് കാണിക്കേണ്ടതില്ല’ വിവേക് ഒബ്രോയ് പറഞ്ഞു.
Read Also:- നയൻതാരയുടെ ഹൊറർ ത്രില്ലർ ‘കണക്ട്’ റിലീസിനൊരുങ്ങുന്നു
അതേസമയം, നടന്‍ സല്‍മാന്‍ ഖാനാണ് ഐശ്വര്യ റായിയുടെയും വിവേകിന്റെയും ബന്ധത്തില്‍ പ്രശ്നങ്ങളുണ്ടാക്കിയതെന്നാണ് അന്നത്തെ ഗോസിപ്പ് കോളങ്ങളില്‍ പ്രചരിച്ചത്. ഇക്കാര്യം വിവേക് പരസ്യമായി പറയുകയും ചെയ്തിരുന്നു. ഐശ്വര്യ റായിയുമായി പ്രണയത്തിലായതിന്റെ പേരില്‍ സല്‍മാന്‍ വളരെ മോശമായി സംസാരിക്കുകയും എന്നെ ഭീഷണിപ്പെടുത്തിയെന്നുമായിരുന്നു അന്ന് വിവേക് നടത്തിയ വെളിപ്പെടുത്തല്‍.
Post Your Comments