കൊച്ചി: ജാനേമൻ എന്ന സിനിമക്ക് ശേഷം ചിയേഴ്‌സ് എന്റർടൈൻമെന്റസ് അവതരിപ്പിക്കുന്ന പുതിയ ചിത്രമാണ് ‘ജയ ജയ ജയ ജയ ഹേ’. ചിയേഴ്‌സ് എന്റർടൈൻമെന്റ്സിന്റെ ബാനറിൽ ലക്ഷ്മി വാര്യർ, ഗണേഷ് മേനോൻ എന്നിവരും സൂപ്പർ ഡ്യുപ്പർ ഫിലിംസിന്റെ ബാനറിൽ അമൽ പോൾസനും ചേർന്നു നിർമ്മിക്കുന്ന ചിത്രത്തിൽ ബേസിൽ ജോസഫ്, ദർശന രാജേന്ദ്രൻ എന്നിവർ പ്രധാന വേഷത്തിലെത്തുന്നു.
സംവിധായകൻ വിപിൻ ദാസും നാഷിദ് മുഹമ്മദ്‌ ഫാമിയും ചേർന്നാണ് തിരക്കഥ ഒരുക്കുന്നത്. ആനന്ദ് മന്മഥൻ, അസീസ്, സുധീർ പറവൂർ, നോബി മാർക്കോസ്, മഞ്ജു പിള്ള എന്നിവരാണ് മറ്റുള്ള പ്രധാന വേഷങ്ങളിൽ.
മുത്തുഗൗ, അന്താക്ഷരി തുടങ്ങിയ സിനിമകളിലുടെ പ്രശസ്തി നേടിയ സംവിധായകനാണ് വിപിൻ ദാസ്. കൊല്ലത്തും പരിസര പ്രദേശങ്ങളിലുമായി ചിത്രീകരിച്ച ചിത്രത്തിൽ ഹ്യുമറിനു ഏറെ പ്രാധാന്യമുണ്ട്. ചിത്രത്തിന്റെ ടീസർ ഇപ്പോൾ പുറത്ത് വന്നിട്ടുണ്ട്. നേരത്തെ പുറത്ത് വന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ ഏറെ ശ്രദ്ധ നേടിയിരുന്നു. ദീപാവലി റീലീസായി ‘ജയ ജയ ജയ ജയ ഹേ ‘ തീയേറ്ററുകളിൽ പ്രേക്ഷകർക്ക് മുന്നിലെത്തും.
‘അവന്‍ അങ്ങനെയായിരിക്കും’: ശ്രീനാഥ് ഭാസി വിഷയത്തിൽ പ്രതികരണവുമായി ധ്യാന്‍ ശ്രീനിവാസന്‍
ഐക്കൺ സിനിമാസ് ആണ് ചിത്രത്തിന്റെ വിതരണക്കാർ. ഡയറക്ടർ ഓഫ് ഫോട്ടോഗ്രാഫി – ബബ്ലു അജു, എഡിറ്റിങ് – ജോൺ കുട്ടി, സംഗീത സംവിധാനം – അങ്കിത് മേനോൻ, ഗാന രചന – വിനായക് ശശികുമാർ, ശബരീഷ് വർമ്മ, ജമൈമ, സംഘട്ടനം – ഫെലിക്സ് ഫുകുയോഷി റുവേ, കല – ബാബു പിള്ള, ചമയം – സുധി സുരേന്ദ്രൻ, വസ്ത്രലങ്കാരം – അശ്വതി ജയകുമാർ, നിർമ്മാണ നിർവ്വഹണം – പ്രശാന്ത് നാരായണൻ, മുഖ്യ സഹ സംവിധാനം – അനീവ് സുരേന്ദ്രൻ, ധനകാര്യം – അഗ്നിവേഷ്, പ്രൊഡക്ഷൻ കോർഡിനേറ്റർ – ഐബിൻ തോമസ്, നിശ്ചല ചായാഗ്രഹണം – എസ് ആർ കെ, വാർത്താ പ്രചരണം – വൈശാഖ് സി വടക്കേവീട്, ജിനു അനിൽകുമാർ. പബ്ലിസിറ്റി ഡിസൈൻസ് – യെല്ലോ ടൂത്ത്.
Post Your Comments