ചിരഞ്ജീവിയെ നായകനാക്കി മോഹന്‍ രാജ സംവിധാനം ചെയ്യുന്ന പുതിയ ചിത്രമാണ് ‘ഗോഡ്ഫാദർ’. ചിത്രത്തിൽ നയൻതാരയുടെ ക്യാരക്ടർ പോസ്റ്റർ പുറത്ത് വിട്ടു. ‘സത്യപ്രിയ ജയ്ദേവ്’ എന്ന കഥാപാത്രത്തെയാണ് ചിത്രത്തിൽ നയൻതാര അവതരിപ്പിക്കുന്നത്. ചിരഞ്ജീവി, നായൻതാര എന്നിവർക്ക് പുറമേ സല്‍മാന്‍ ഖാനും ചിത്രത്തിൽ പ്രധാന വേഷത്തിലെത്തുന്നുണ്ട്.
മലയാള ചിത്രം മലയാള ചിത്രം ‘ലൂസിഫറി’ന്റെ റീമേക്കായി ഒരുങ്ങുന്ന സിനിമയിലെ മഞ്ജു വാര്യരുടെ കഥാപാത്രത്തെയാണ് നയൻതാര അവതരിപ്പിക്കുന്നത്. പൃഥ്വിരാജ് അവതരിപ്പിച്ച സയീദ് മസൂദ് എന്ന ഗ്യാങ്സ്റ്റര്‍ കഥാപാത്രത്തിന്റെ റോളില്ലാണ് ബോളിവുഡ് സൂപ്പർ താരം സല്‍മാന്‍ ഖാൻ എത്തുന്നത്.
കോനിഡേല പ്രൊഡക്ഷൻ കമ്പനിയും സൂപ്പര്‍ ഗുഡ് ഫിലിംസും ചേര്‍ന്നൊരുക്കുന്ന ചിത്രം ഒക്ടോബര്‍ അഞ്ചിന് തിയേറ്ററുകളിലെത്തും. ചിരഞ്ജീവിയുടെ ജന്മദിനത്തോടനുബന്ധിച്ച് പുറത്തുവിട്ട ചിത്രത്തിന്റെ ടീസറിന് മികച്ച സ്വീകാര്യതയും വമ്പിച്ച പ്രതികരണവും ലഭിച്ചിരുന്നു.
നീരവ് ഷായാണ് ചിത്രത്തിന്റെ ഛായാഗ്രാഹകന്‍. എസ് തമന്‍ സംഗീത സംവിധാനവും പ്രഭുദേവ നൃത്തസംവിധാനവും നിര്‍വ്വഹിച്ചിരിക്കുന്നു. നിരവധി ബോളിവുഡ് ചിത്രങ്ങളുടെ കലാസംവിധാനം നിര്‍വ്വഹിച്ച സുരേഷ് സെല്‍വരാജനാണ് കലാസംവിധായകന്‍.
Read Also:- 2.07 കോടി രൂപ വാങ്ങി ചതിച്ചു: സംവിധായകന്‍ മേജര്‍ രവിക്ക്‌ എതിരേ പരാതി
മോഹന്‍ലാലിന് നായകനാക്കി പൃഥിരാജ് ആദ്യമായി സംവിധാനം ചെയ്ത ചിത്രമാണ് ‘ലൂസിഫർ’. പൃഥിരാജ്, മഞ്ജു വാര്യര്‍, ഇന്ദ്രജിത്ത്, സായ്കുമാര്‍, ടൊവിനോ, ഷാജോണ്‍, ബൈജു, വിവേക് ഒബ്‌റോയ്, സാനിയ എന്നിങ്ങനെ വന്‍ താരനിരയാണ് ചിത്രത്തില്‍ അണിനിരന്നത്.
Introducing Lady Superstar #Nayanthara as 'Sathyapriya Jaidev' from the world of #GodFather ❤️?
First Single update soon?
GRAND RELEASE ON OCT 5
Megastar @KChiruTweets @BeingSalmanKhan @jayam_mohanraja @ActorSatyaDev @MusicThaman @LakshmiBhupal @AlwaysRamCharan @ProducerNVP pic.twitter.com/XEcTktasSj
— Konidela Pro Company (@KonidelaPro) September 8, 2022
Post Your Comments