ആരാധകർക്ക് വിനായക ചതുർത്ഥി ദിനത്തിൽ ആശംസകൾ അറിയിച്ച് പ്രിയനടൻ മോഹൻലാൽ. സോഷ്യൽ മീഡിയയിലൂടെയാണ് ആശംസകൾ നേർന്നത്. താരത്തിനും നിരവധി പേരാണ് കമന്റിലൂടെ ആശംസകൾ അറിയിച്ചത്. വീട്ടിൽ തന്റെ ഗണപതി ശിൽപങ്ങളുടെ ശേഖരത്തിന് അരികിൽ നിന്നുള്ള ഒരു ചിത്രവും മോഹൻലാൽ പങ്കുവച്ചിട്ടുണ്ട്. കൈയിൽ ഗണപതിയുടെ ശിൽപവും പിടിച്ചുള്ള മോഹൻലാലിന്റെ ചിത്രം ഇതിനോടകം തന്നെ ആരാധകർ ഏറ്റെടുത്തിട്ടുണ്ട്.
Also Read: കാലിടറി വിജയ് ദേവരകൊണ്ടയുടെ ലൈഗർ: 90 ശതമാനം പ്രദർശനവും റദ്ദാക്കി
കലാവസ്തുക്കളുടെ വലിയ ശേഖരം സ്വന്തമായുള്ള ആളാണ് മോഹൻലാൽ. വെള്ളാർ ക്രാഫ്റ്റ് വില്ലേജിൽ തയ്യാറാക്കപ്പെട്ട 12 അടി ഉയരമുള്ള വിശ്വരൂപ ശിൽപം മോഹൻലാൽ അടുത്തിടെ സ്വന്തമാക്കിയത് വാർത്തകളിൽ ഇടംപിടിച്ചിരുന്നു.
അതേസമയം, ഗണപതി ഭഗവാൻ്റെ ജന്മദിനമാണ് വിനായക ചതുർത്ഥിയായി ആഘോഷിക്കുന്നത്. കേരളത്തിലെ ഗണപതി ക്ഷേത്രങ്ങളിൽ വിനായക ചതുർത്ഥി ആഘോഷിക്കുന്നുണ്ടെങ്കിലും തമിഴ്നാട്, കർണാടക, ആന്ധ്രാപ്രദേശ് എന്നിങ്ങനെ ദക്ഷിണേന്ത്യൻ സംസ്ഥാനങ്ങളിലും ഉത്തരേന്ത്യയിലും വിനായക ചതുർത്ഥി വലിയ പ്രാധാന്യത്തോടെ കൊണ്ടാടാറുണ്ട്.
Post Your Comments