ശിവകാർത്തികേയനെ നായകനാക്കി മഡോണി അശ്വിൻ സംവിധാനം ചെയ്യുന്ന ചിത്രമാണ് മാവീരൻ. മഡോണി അശ്വിൻ തന്നെയാണ് ചിത്രത്തിലെ തിരക്കഥയും ഒരുക്കുന്നത്. ഒരു മാസ് ചിത്രമായിരിക്കുമിതെന്നാണ് സൂചന. സംവിധായകൻ എസ് ശങ്കറിന്റെ മകള്‍ അദിതിയാണ് ചിത്രത്തില്‍ നായികയായി എത്തുന്നത്.
Also Read: ആ വാർത്ത വ്യാജമാണ്, നിജസ്ഥിതി അറിയാന്‍ എനിക്കും ആഗ്രഹമുണ്ട്: നിർമ്മാതാവ് രാജീവ് ഗോവിന്ദൻ
ഇപ്പോളിതാ, ചിത്രത്തിൽ വില്ലനായി സംവിധായകൻ മിഷ്കിൻ എത്തും എന്ന വാർത്തയാണ് പുറത്ത് വരുന്നത്. എന്നാൽ, ഇത് സംബന്ധിച്ച ഔദ്യോഗിക സ്ഥിരീകരണം അണിയറ പ്രവർത്തകർ നടത്തിയിട്ടില്ല. സൂപ്പർ ഡീലക്‌സ്, സവരക്കത്തി, സുട്ടു പിടിക്ക ഉത്തരവ് തുടങ്ങിയ ചിത്രങ്ങളിൽ മിഷ്കിൻ അഭിനയിച്ചിട്ടുണ്ട്. ആൻഡ്രിയയും വിജയ് സേതുപതിയും കേന്ദ്ര കഥാപാത്രങ്ങളായെത്തുന്ന പിസാസ് 2 എന്ന ചിത്രമാണ് മിഷ്‌കിനിന്റേതായി റിലീസിന് ഒരുങ്ങുന്ന സിനിമ.
ശാന്തി ടാക്കീസ് ആണ് മാവീരൻ നിർമ്മിക്കുന്നത്. വിധു അയ്യണ്ണ ആണ് ചിത്രത്തിന്റെ ഛായാഗ്രഹണം നിർവ്വഹിക്കുന്നത്. ഭരത് ശങ്കര്‍ ആണ് ചിത്രത്തിലെ ഗാനങ്ങൾക്ക് സംഗീതം പകരുന്നത്. ചിത്രം മഹാവീരഡൂ എന്ന പേരില്‍ തെലുങ്കിലും റിലീസ് ചെയ്യും.
Post Your Comments