ഡോൺ എന്ന ചിത്രത്തിന് ശേഷം ശിവകാർത്തികേയൻ നായകനായി എത്തുന്ന പുതിയ ചിത്രത്തിന്റെ ടൈറ്റിൽ പുറത്തുവിട്ടു. മാവീരൻ എന്നാണ് ചിത്രത്തിന്റെ പേര്. ശാന്തി ടാക്കീസ് നിർമ്മിക്കുന്ന ചിത്രത്തിന്റെ അനൗൺസ്‍മെന്റ് വീഡിയോയും അണിയറ പ്രവർത്തകർ പുറത്തുവിട്ടു. മഡോണ അശ്വിൻ ആണ് ചിത്രം തിരക്കഥയെഴുതി സംവിധാനം ചെയ്യുന്നത്.
ഒരു മാസ് ചിത്രമായിരിക്കും ഇതെന്നാണ് സൂചന. വിധു അയ്യണ്ണ ആണ് ചിത്രത്തിന്റെ ഛായാഗ്രഹണം നിർവ്വഹിക്കുന്നത്. ഭരത് ശങ്കർ ആണ് ചിത്രത്തിന്റെ സംഗീത സംവിധായകൻ. കിയാര അദ്വാനിയാകും ചിത്രത്തിൽ നായികയായി എത്തുകയെന്ന റിപ്പോർട്ടുകളും നേരത്തെ പുറത്ത് വന്നിരുന്നു.
Also Read: മമ്മൂട്ടിയുടെ തെലുങ്ക് ചിത്രം: ത്രില്ലടിപ്പിച്ച് ഏജന്റ് ടീസർ
നിലവിൽ പ്രിൻസ് എന്ന ചിത്രത്തിലാണ് ശിവകാർത്തികേയൻ അഭിനയിക്കുന്നത്. കെ വി അനുദീപാണ് ചിത്രം സംവിധാനം ചെയ്യുന്നത്. ശിവകാർത്തികേയൻ നായകനായി ഏറ്റവും ഒടുവിൽ പ്രദർശനത്തിന് എത്തിയത് ഡോൺ എന്ന ചിത്രം ആണ്. സിബി ചക്രവർത്തിയാണ് ചിത്രം സംവിധാനം ചെയ്‍തത്. ശിവകാർത്തികേയനും ലൈക്ക പ്രൊഡക്ഷൻസും ചേർന്നാണ് ചിത്രം നിർമ്മിച്ചത്. അയലാൻ എന്ന ചിത്രവും ശിവകാർത്തികേയന്റേതായി ഇനി റിലീസ് ചെയ്യാനുണ്ട്. ആർ രവികുമാറാണ് ചിത്രം സംവിധാനം ചെയ്യുന്നത്. സയൻസ് ഫിക്ഷൻ ചിത്രമായിട്ടാണ് സിനിമ ഒരുങ്ങുന്നത്.
Post Your Comments