കടുവാക്കുന്നേൽ കുറുവച്ചനായി പൃഥ്വിരാജ്: കടുവ രണ്ടാം ടീസർ എത്തി

പൃഥ്വിരാജിനെ നായകനാക്കി ഷാജി കൈലാസ് ഒരുക്കുന്ന കടുവ എന്ന ചിത്രത്തിന്റെ രണ്ടാമത്തെ ടീസർ പുറത്തിറക്കി. പൃഥ്വിരാജും സംവിധായകന്‍ ഷാജി കൈലാസും ടീസര്‍ സമൂഹ മാധ്യമങ്ങളിൽ പങ്കുവച്ചിട്ടുണ്ട്. ഒരു മിനിറ്റും 19 സെക്കന്റും ദൈർഘ്യമുള്ള രണ്ടാമത്തെ ടീസറാണ് റിലീസായത്. പൃഥ്വിരാജിന്റെ മാസ്സ് ആക്ഷന്‍ രംഗങ്ങളാണ് ടീസറിലെ പ്രത്യേകത. നീണ്ട ഇടവേളയ്ക്ക് ശേഷം ഷാജി കൈലാസ് ഒരുക്കുന്ന ചിത്രമാണ് കടുവ. ജിനു വി എബ്രഹാമിന്റേതാണ് തിരക്കഥ.

വിവേക് ഒബ്‌റോയാണ് ചിത്രത്തിലെ പ്രധാന വില്ലന്‍ കഥാപാത്രത്തെ അവതരിപ്പിക്കുന്നത്. മാജിക്ക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫനും പൃഥ്വിരാജ് പ്രൊഡക്ഷന്‍സിന്റെ ബാനറില്‍ സുപ്രിയ മേനോനും ചേര്‍ന്നാണ് ചിത്രം നിര്‍മ്മിക്കുന്നത്. അർജുൻ അശോകൻ, അലൻസിയർ, ബൈജു, രഞ്ജി പണിക്കർ തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രം ജൂണ്‍ 30ന് തിയേറ്ററുകളില്‍ എത്തും.

Also Read: പടം നന്നായില്ലെങ്കിലെന്താ, ട്രോൾ നന്നാകുന്നുണ്ടല്ലോ: ബീസ്റ്റിനെ കുറിച്ച് ഷൈൻ ടോം ചാക്കോ

സിംഹാസനം എന്ന ചിത്രത്തിന് ശേഷം പൃഥ്വിരാജ് – ഷാജി കൈലാസ് ടീം ഒന്നിക്കുന്ന ചിത്രമാണ് കടുവ. ചിത്രത്തിന് വേണ്ടി അഭിനന്ദ് രാമാനുജം ഛായാ​ഗ്രഹണവും ജേക്സ് ബിജോയ് സം​ഗീത സംവിധാനവും നിർവ്വഹിക്കുന്നു.