ഷൈന്‍ ടോം ചാക്കോ ‘നാട്ടുകാരനെ തള്ളി’ എന്ന ആരോപണം വാര്‍ത്തയാവുമ്പോള്‍ ‘നാട്ടുകാരനെ തല്ലി’ എന്ന് വലിയ അക്ഷരത്തില്‍ അച്ചടിച്ചു വരുന്നുവെന്ന് നടൻ ഷൈൻ ടോം ചാക്കോ. തന്നെ പറ്റി മാധ്യമങ്ങള്‍ വാര്‍ത്ത കൊടുക്കുന്ന രീതിയെ വിമര്‍ശിക്കുകയാണ് ഷൈന്‍ ഐഇ മലയാളത്തിന് നല്‍കിയ അഭിമുഖത്തിൽ.
ഷൈൻ ടോം ചാക്കോ വാക്കുകൾ :
മാധ്യമങ്ങള്‍ക്ക് വിശദാംശങ്ങള്‍ അറിയണ്ട, വാര്‍ത്ത മാത്രം മതി. കൊടുത്ത വാര്‍ത്ത തെറ്റാണെന്ന് മനസ്സിലായാല്‍ പോലും അത് തിരുത്തി കൊടുക്കാന്‍ പലരും തയ്യാറാവുന്നില്ല. ഷൈന്‍ ടോം ചാക്കോ ‘നാട്ടുകാരനെ തള്ളി’ എന്ന ആരോപണം വാര്‍ത്തയാവുമ്പോള്‍ ‘നാട്ടുകാരനെ തല്ലി’ എന്ന് വലിയ അക്ഷരത്തില്‍ അടിച്ചു വരുന്നതൊക്കെ തമാശയല്ലേ!
അതുപോലെ ഒന്നാണ്, ഞാന്‍ മയക്കുമരുന്ന് അടിച്ചു അഭിമുഖം നല്‍കി എന്ന വാര്‍ത്ത. കാലിനു വയ്യാതെ വേദനസംഹാരികള്‍ കഴിച്ചിരിക്കുന്നതിനിടയിലാണ് ഞാന്‍ വെയില്‍ പ്രമോഷന്റെ ഭാഗമായി ആ അഭിമുഖങ്ങള്‍ നല്‍കുന്നത്. ഞാന്‍ കാലിനു മരുന്നുവച്ചു കെട്ടി വരുന്നതു വരെ കാത്തിരുന്നവരാണ്, എന്റെ അവസ്ഥ നന്നായി കണ്ടറിഞ്ഞവര്‍, എന്നിട്ടും മയക്കുമരുന്ന് അടിച്ചാണ് സംസാരിച്ചതെന്ന രീതിയില്‍ വളച്ചൊടിക്കപ്പെട്ടു.
Post Your Comments