കാത്തിരിപ്പിന് വിരാമമിട്ട് ബിഗ് ബോസ് മലയാളം സീസണ്‍ നാല് ഉടൻ ആരംഭിക്കുമെന്ന് ചാനല്‍ പ്രഖ്യാപനം നടത്തിയതോടെ, അവതാരകനായി മോഹന്‍ലാല്‍ ഉണ്ടാകുമോ എന്നതായിരുന്നു പ്രേക്ഷകരുടെ ചോദ്യം. പ്രമോ വീഡിയോ പുറത്തിറങ്ങിയതോടെ മോഹന്‍ലാല്‍ ഷോയില്‍ ഉണ്ടാകുമെന്ന കാര്യം ഉറപ്പായി. ഇനി പ്രേക്ഷകര്‍ ആകാംക്ഷയോടെ കാത്തിരിക്കുന്നത് ബിഗ് ബോസ് ഹൗസില്‍ എത്തുന്ന താരങ്ങള്‍ ആരൊക്കെയെന്നറിയാനാണ്.
ഈ വര്‍ഷം ബിഗ് ബോസ് ഹൗസില്‍ എത്തുമെന്ന് സോഷ്യൽ മീഡിയ പറയുന്നവരിൽ പ്രധാനി അപര്‍ണ ജീവ താര ദമ്പതിമാരാണ്. ടെലിവിഷന്‍ അവതാരകരായ ഇരുവരും ആറ് വര്‍ഷങ്ങള്‍ക്ക് മുമ്പാണ് വിവാഹിതരായത്. ഫോട്ടോ ഷൂട്ടിലൂടെ പലപ്പോഴും വാർത്തകളിൽ നിന്നവരാണ് ഇരുവരും.
മുന്‍ പൊലീസ് ഓഫീസറും സമൂഹ മാദ്ധ്യമങ്ങളില്‍ ധാരാളം ആരാധകരുമുള്ള പാലാ സജി, സന്തോഷ് പണ്ഡിറ്റ്, വാവ സുരേഷ് , രാഹുല്‍ ഈശ്വര്‍, ശ്രീലക്ഷ്മി അറയ്ക്കല്‍ തുടങ്ങിയവരുടെ പേരുകളും സോഷ്യൽ മീഡിയയിൽ പ്രചരിക്കുന്നുണ്ട്.
Post Your Comments