സര്‍ജറി കഴിഞ്ഞു, പ്രാർത്ഥനയും സ്‌നേഹവും കൂടെയുണ്ടാകണം, പിന്തുണയ്ക്ക് നന്ദി പറഞ്ഞാല്‍ മതിയാകില്ലെന്ന് വീണ നായര്‍

കൊച്ചി: റിയാലിറ്റി ഷോ ചിത്രീകരണത്തിനിടെ പരുക്കു പറ്റിയ നടി വീണ നായരുടെ ശസ്ത്രക്രിയ പൂർത്തിയായി. ശസ്ത്രക്രിയ വിജയകരമായി പൂർത്തിയായതായി വീണ തന്റെ ഫേസ്ബുക്ക് പോസ്റ്റിലൂടെ അറിയിച്ചു. കുറച്ച് ദിവസത്തെ വിശ്രമവും ഫിസിയോ തെറാപ്പിയുമാണ് ഡോക്ടര്‍മാർ നിർദേശിച്ചിരിക്കുന്നതെന്നും വീണ നായർ പറഞ്ഞു.

വീണ നായരുടെ ഫേസ്ബുക്ക് പോസ്റ്റിന്റെ പൂർണ്ണരൂപം;

‘എനിക്ക് പറ്റിയ അപകടം അറിഞ്ഞ് ഒരുപാട് ആളുകൾ നേരിട്ടും അല്ലാതെയും വിവരങ്ങൾ തിരക്കുകയും എനിക്ക് വേണ്ടി പ്രാർഥിക്കുകയും ചെയ്തത് അറിയാൻ സാധിച്ചു. സർജറി നല്ല രീതിയിൽ കഴിഞ്ഞു. കുറച്ചു നാളത്തെ റെസ്റ്റും ഫിസിയോതെറപ്പിയുമാണ് ഡോക്ടർ നിർദേശിച്ചിരിക്കുന്നത്. നിങ്ങളുടെ വലിയ സ്നേഹത്തിനും ഈ പിന്തുണയ്ക്കും എത്ര നന്ദി പറഞ്ഞാലും മതി വരില്ല. നിങ്ങളുടെ പ്രാർഥനയും ഈ സ്‌നേഹവും എന്നും കൂടെ ഉണ്ടാകണം.’