കൊച്ചി: ടൊവിനോ തോമസ് നായകനാകുന്ന ‘വാശി’യുടെ ഫസ്റ്റ് ലുക്ക് പോസ്റ്റർ പുറത്ത്. സൂപ്പർ താരം മോഹൻലാലും മഞ്ജു വാര്യരും ചേർന്ന് തങ്ങളുടെ ഫേസ്‌ബുക്ക് പേജിലൂടെയായിരുന്നു പോസ്റ്റർ പുറത്തുവിട്ടത്. നടൻ വിഷ്ണു ജി രാഘവ് സംവിധാന രംഗത്തേക്കെത്തുന്ന ചിത്രത്തിൽ ദക്ഷിണേന്ത്യൻ നായിക കീർത്തി സുരേഷാണ് നായികയായി എത്തുന്നത്. രേവതി കലാമന്ദിറിൻ്റെ ബാനറിൽ ജി സുരേഷ് കുമാറാണ് ഈ ചിത്രം നിർമ്മിക്കുന്നത്. ടോവിനോയും കീർത്തിയും ആദ്യമായി ഒന്നിക്കുന്ന സിനിമയാണ് വാശി.
ചിത്രത്തിൽ ടൊവിനോ തോമസ്, കീർത്തി സുരേഷ് എന്നിവരോടൊപ്പം നന്ദു, ബൈജു സന്തോഷ്, അനുമോഹൻ, ഡോ.റോണി, കോട്ടയം രമേഷ്, മുകുന്ദൻ, കൃഷ്ണൻ സോപാനം, അങ്കിത്ത്, ശ്രീലക്ഷ്മി, മായാ വിശ്വനാഥ്, മായാമേനോൻ എന്നിവരും പ്രധാന കഥാപാത്രങ്ങളായി എത്തുന്നു. വിഷ്ണു ജി. രാഘവ് തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്. കഥ – ജാനിസ് ചാക്കോ സൈമൺ. വിനായക് ശശികുമാറിൻ്റെ വരികൾക്ക് കൈലാസ് മേനോൻ ഈണം പകർന്നിരിക്കുന്നു.
റോബി വർഗ്ഗീസ് രാജാണ് ഛായാഗ്രാഹണം നിര്‍വഹിക്കുന്നത്. അനു മോഹനും ചിത്രത്തില്‍ ഒരു പ്രധാന കഥാപാത്രമായി എത്തുന്നു. വിഷ്ണു രാഘവിന്റെ ചിത്രത്തില്‍ പ്രവര്‍ത്തിക്കാൻ കഴിഞ്ഞതില്‍ വലിയ സന്തോഷമുണ്ടെന്ന് ടൊവിനൊ തോമസ് പറയുന്നു. ‘വാശി’ എന്ന ചിത്രത്തില്‍ തന്റെ നായികയായിരുന്ന കീര്‍ത്തി സുരേഷിനും നന്ദി പറയുന്നു ടൊവിനൊ തോമസ്. വളരെ പ്രസക്തമായ ഒരു കാര്യമാണ് ‘വാശി’ പറയുന്നത് എന്നും ടൊവിനൊ തോമസ് വ്യക്തമാക്കുന്നു.
Post Your Comments