കൊച്ചി: ടൊവിനോ തോമസ് നായകനാകുന്ന ‘വാശി’യുടെ ഫസ്റ്റ് ലുക്ക് പോസ്റ്റർ സൂപ്പർ താരം മോഹൻലാലും മഞ്ജു വാര്യരും ചേർന്ന് പുറത്തുവിടും. ഫെബ്രുവരി 19ന് ഇരുവരുടെയും സോഷ്യൽ മീഡിയ പേജുകളിലൂടെയാണ് ഫസ്റ്റ് ലുക്ക് പുറത്തുവിടുന്നത്. നടൻ വിഷ്ണു ജി രാഘവ് സംവിധാന രംഗത്തേക്കെത്തുന്ന ചിത്രത്തിൽ ദക്ഷിണേന്ത്യൻ നായിക കീർത്തി സുരേഷാണ് നായികയായി എത്തുന്നത്. രേവതി കലാമന്ദിറിൻ്റെ ബാനറിൽ ജി സുരേഷ് കുമാറാണ് ഈ ചിത്രം നിർമ്മിക്കുന്നത്.
ചിത്രത്തിൽ ടൊവിനോ തോമസ്, കീർത്തി സുരേഷ് എന്നിവരോടൊപ്പം നന്ദു, ബൈജു സന്തോഷ്, അനുമോഹൻ, ഡോ.റോണി, കോട്ടയം രമേഷ്, മുകുന്ദൻ, കൃഷ്ണൻ സോപാനം, അങ്കിത്ത്, ശ്രീലക്ഷ്മി, മായാ വിശ്വനാഥ്, മായാമേനോൻ എന്നിവരും പ്രധാന കഥാപാത്രങ്ങളായി എത്തുന്നു. വിഷ്ണു ജി. രാഘവ് തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്. കഥ – ജാനിസ് ചാക്കോ സൈമൺ. വിനായക് ശശികുമാറിൻ്റെ വരികൾക്ക് കൈലാസ് മേനോൻ ഈണം പകർന്നിരിക്കുന്നു. റോബി വർഗീസ് രാജാണ് ഛായാഗ്രാഹകൻ.
Post Your Comments