തന്റെ മകന്‍ വിഹാന്റെ പ്രിയപ്പെട്ട നടനാണ് പ്രണവ് എന്നും അവന് മോഹന്‍ലാലിനെ അറിയില്ലെന്നും വിനീത് ശ്രീനിവാസൻ. കഴിഞ്ഞ ദിവസമായിരുന്നു പ്രണവ് – വിനീത് കൂട്ടുകെട്ടിന്റെ ‘ഹൃദയ’ത്തിന്റെ ഓഡിയോ ലോഞ്ച് നടന്നത്. ഇതിനിടെ വിഹാനെ മടിയിലിരുത്തി കൊഞ്ചിക്കുന്ന പ്രണവിന്റെ വീഡിയോ വൈറല്‍ ആയിരുന്നു. ഇപ്പോള്‍ തന്റെ മകൻ വിഹാന് പ്രണവുമായുള്ള അടുപ്പത്തെ കുറിച്ച് പറയുകയാണ് വിനീത്.
വിനീതിന്റെ വാക്കുകൾ:
‘രണ്ടു വര്‍ഷത്തോളമായി ഹൃദയത്തിന്റെ വര്‍ക്കുകളാണ് എപ്പോഴും വീട്ടില്‍. ഹൃദയത്തിന്റെ സംഗീതം ഒരുക്കാന്‍ തുടങ്ങിയ സമയത്ത് ഞാൻ എന്റെ ഫ്‌ളാറ്റിനോട് ചേര്‍ന്ന് മറ്റൊരു ഫ്‌ളാറ്റ് വാടകയ്ക്ക് എടുത്തിരുന്നു. അവിടെ ഒരു സ്റ്റുഡിയോ ഒക്കെ സെറ്റ് ചെയ്തിരുന്നു.
ഹൃദയം വര്‍ക്ക് നടക്കുന്നതിനാല്‍ പ്രണവ് ഇടയ്ക്കിടെ വീട്ടില്‍ വരും. അതുകൊണ്ട് അപ്പുവും മകന്‍ വിഹാനും നല്ല കൂട്ടാണ്. വിഹാന് മോഹന്‍ലാല്‍ എന്നാല്‍ ആരാണെന്ന് അറിയില്ല. അതേസമയം അപ്പു അങ്കിളിനെ അവന് നന്നായി അറിയാം.
മാത്രമല്ല ഹൃദയം സിനിമ അപ്പു അങ്കിളിന്റേതാണ് എന്നാണ് അവന് വിശ്വസിച്ചിരിക്കുന്നത്. എനിക്ക് അതിൽ എന്തെങ്കിലും പങ്കുണ്ട് എന്ന് അവന് വിശ്വസിക്കുന്നില്ല. ഹൃദയവുമായി ബന്ധപ്പെട്ട വീഡിയോകളോ കേട്ടാല്‍ വിഹാന് ഓടി വന്ന് അത് നമ്മുടെ കൂടെ കണ്ടിരിക്കും. അവന് ഇപ്പോള്‍ അപ്പുവിന്റെ ഫാനാണ്. കാരണം അവന് ഓര്‍മ്മ വെച്ചപ്പോള്‍ മുതല്‍ പ്രണവിനെ കാണുന്നുണ്ട്’.
Post Your Comments