ചെന്നൈ: വിവാഹ ബന്ധം വേര്‍പെടുത്തിയത് പരസ്‍പര സമ്മത പ്രകാരമാണെന്ന് തെന്നിന്ത്യയിലെ പ്രമുഖ സംഗീത സംവിധായകന്‍ ഡി ഇമ്മൻ. ഭാര്യ മോണിക്ക റിച്ചാര്‍ഡുമായിനിയമപരമായി വിവാഹമോചിതനായ കാര്യം താരം തന്നെയാണ് പങ്കുവച്ചത്
2008 ലായിരുന്നു ഇമ്മനും മോണിക്കയും തമ്മിലുള്ള വിവാഹം. ഈ ബന്ധത്തില്‍ രണ്ടു മക്കളുണ്ട്. തന്നെ പിന്തുണയ്ക്കുകയും സംഗീതം ആസ്വദിക്കുകയും ചെയ്യുന്നവരോട് നന്ദി പറഞ്ഞാണ് ഇമ്മന്റെ കുറിപ്പ്.
‘നിങ്ങള്‍ നല്‍കുന്ന പിന്തുണയ്ക്ക് നന്ദി. ജീവിതം ഞങ്ങളെ വ്യത്യസ്ത വഴിയിലേക്കെത്തിച്ചിരിക്കുകയാണ്. ഞാനും മോണിക്ക റിച്ചാര്‍ഡും 2020 നവംബര്‍ മുതല്‍ നിയമപരമായി വിവാഹമോചിതരായവരാണ്. ഞങ്ങളുടെ സ്വകാര്യതയെ എല്ലാവരും മാനിക്കണം. എല്ലാവരും ഞങ്ങളെ മുന്നോട്ടുപോകാന്‍ സഹായിക്കണമെന്നും അഭ്യര്‍ഥിക്കുന്നു’- ഇമ്മന്‍ സോഷ്യല്‍ മീഡിയയില്‍ കുറിച്ചു.
Post Your Comments