ചെന്നൈ : സിനിമയിലായാലും രാഷ്ട്രീയത്തിലായാലും തെന്നിന്ത്യയില്‍ നിരവധി ആരാധകരുള്ള താരമാണ് ഖുശ്ബു. ഇപ്പോള്‍ 15 കിലോ ഭാരം കുറച്ച് ഗംഭീര മേക്കോവറില്‍ എത്തി തന്റെ ആരാധകരടക്കമുള്ളവരെ ഞെട്ടിച്ചിരിക്കുകയാണ് താരം. തന്റെ രണ്ടു ചിത്രങ്ങള്‍ ചേര്‍ത്തു വച്ചുകൊണ്ട് ഖുശ്ബു തന്നെയാണ് മേക്കോവറിനെക്കുറിച്ച്‌ ആരാധകരെ അറിയിച്ചത്.
‘അന്നും ഇന്നും, വലിയ മാറ്റമൊന്നുമില്ല പതിനഞ്ചു കിലോ കുറഞ്ഞു എന്നല്ലാതെ’ എന്ന ക്യാപ്ഷനോടെയാണ് താരം ചിത്രം പങ്കുവച്ചിരിക്കുന്നത്. നിരവധി പേരാണ് ഫോട്ടോയ്ക്ക് താഴെ താരത്തെ അഭിനന്ദിച്ചുകൊണ്ട് എത്തുന്നത്. സോഷ്യല്‍ മീഡിയയെ അമ്പരപ്പിച്ചുകൊണ്ട് നിരവധി ചിത്രങ്ങളാണ് ഖുശ്ബു പോസ്റ്റ് ചെയ്തത്.
വലിയ മേക്കോവറിലുള്ളതായിരുന്നു ചിത്രങ്ങള്‍. വണ്ണം കുറച്ച് സ്ലിംആയ ചിത്രങ്ങളെല്ലാം വൈറലായിരുന്നു. അടുത്തിടെ ഒരു ജംപ്‌സ്യൂട്ടിലുള്ള ചിത്രങ്ങള്‍ പങ്കുവച്ചു കൊണ്ട് ‘കഠിനാധ്വാനത്തിന്റെ ഫലം കാണുമ്പോഴുണ്ടാകുന്ന സന്തോഷം പറഞ്ഞറിയിക്കാനാവില്ല’ എന്നായിരുന്നു ഖുശ്ബു കുറിച്ചത്.
Post Your Comments