പ്രമുഖ പാൻമസാല കമ്പനിയുടെ പരസ്യത്തിൽ നിന്ന് അമിതാഭ് ബച്ചൻ പിന്മാറി

മുംബൈ: രാജ്യത്തെ പ്രമുഖ പാൻ മസാല കമ്പനിയുടെ പരസ്യത്തിൽ നിന്ന് ബോളിവുഡ് നടൻ അമിതാഭ് ബച്ചൻ പിന്മാറി. ഇനി ഒരിക്കലും പാൻമസാല പരസ്യങ്ങളിൽ അഭിനയിക്കില്ലെന്ന് ബച്ചനുമായി ബന്ധപ്പെട്ട വൃത്തങ്ങൾ പറയുന്നു.

പാൻമസാല പരസ്യം സംപ്രേഷണം ചെയ്തു ഒരാഴ്ചയ്ക്ക് ശേഷമാണ് താരത്തിന്റെ പിന്മാറ്റം. പരസ്യത്തിൽ പറയുന്ന പാൻ മസാലയെ കുറിച്ച് ശരിയായ അറിവ് ഇല്ലായിരുന്നുവെന്നും വാങ്ങിയ പണം തിരിച്ചു നൽകി കരാർ അവസാനിപ്പിച്ചുവെന്ന് അമിതാഭ് ബച്ചന്റെ ഓഫീസ് പുറത്തിറക്കിയ പ്രസ്താവനയിൽ പറയുന്നു.

Read Also:- ഒരു പുഞ്ചിരിയില്‍ ഇത്ര മാത്രം സ്‌നേഹം നിറയ്ക്കാന്‍ കഴിയുന്ന വേറൊരാളില്ല എന്ന് പലതവണ തോന്നിയിട്ടുണ്ട്: പ്രിയദര്‍ശന്‍

പാൻ മസാല പ്രോത്സാഹിപ്പിക്കുന്ന പരസ്യത്തിൽ നിന്ന് താരത്തിനോട് പിന്മാറണമെന്ന് ദേശീയ പുകയില വിരുദ്ധ സംഘടന നേരിട്ടെത്തി അഭ്യർത്ഥിച്ചിരുന്നു. ബച്ചൻ പിന്മാറിയാൽ യുവാക്കൾ പുകയിലയ്ക്ക് അടിമയാകുന്നത് തടയാൻ കഴിയുമെന്നാണ് സംഘടനയുടെ വാദം. തന്റെ 79-ാം പിറന്നാൾ ദിനത്തിലാണ് താരത്തിന്റെ പിന്മാറ്റം.