എനിക്കൊരു കാമുകിയുണ്ടായിരുന്നു, അപ്പോഴാണ് നീ ഇടയില്‍ കയറി വന്നത്: വിവാഹം കഴിക്കാത്തതിന്റെ കാരണം വ്യക്തമാക്കി നടി ആശ

ഒരുകാലത്ത് ആരാധകരുടെ പ്രിയ താരമായിരുന്നു ആശ പരേഖ്. ബോളിവുഡിലെ ഈ താര സുന്ദരി 79-ആം വയസിലേക്ക് കടന്നിരിക്കുകയാണ്. എന്നാൽ ജീവിതത്തിൽ ഇതുവരെയും ഒറ്റയ്ക്ക് കഴിഞ്ഞതിന്റെ കാരണം തുറന്നു പറയുകയാണ് താരം. കുടുംബം തകര്‍ത്തവളാവാന്‍ ആഗ്രഹമില്ലാതിരുന്നതുകൊണ്ടാണ് ജീവിതത്തില്‍ ഒറ്റയ്ക്കായത് എന്നാണ് ആശ പരേഖ് പറയുന്നത്.

2019ൽ ഒരു മാഗസിന് നല്‍കിയ അഭിമുഖത്തിലാണ് താരം തന്റെ ജീവിതത്തിൽ സംഭവിച്ചതിനെക്കുറിച്ചു തുറന്നു പറഞ്ഞത്. വിവാഹിതനായ ഒരാളുമായി താന്‍ പ്രണയത്തിലായിരുന്നു. എന്നാല്‍ ആ കുടുംബം തകര്‍ക്കാതിരിക്കാന്‍ വേണ്ടിയാണ് താനിങ്ങനെയൊരു തീരുമാനമെടുത്തതെന്നും ആശ പറയുന്നു. ഒറ്റയ്ക്ക് ജീവിക്കാന്‍ തീരുമാനിച്ചത് ഞാനെടുത്ത ഏറ്റവും മികച്ച തീരുമാനങ്ങളില്‍ ഒന്നാണെന്നും താരം പങ്കുവച്ചു.

read also: അമ്മ ജൂഹിയെ നോക്കി സ്വര്‍​ഗത്തില്‍ ഇരുന്ന് പുഞ്ചിരിക്കുന്നുണ്ടാകുമെന്നു ആരാധകർ: ഉടന്‍ തിരിച്ചുവരുമെന്ന ഉറപ്പുമായിലെച്ചു

‘വിവാഹിതനുമായി ഞാന്‍ പ്രണയത്തിലായിരുന്നു. കുടുംബം തകര്‍ത്തവളാകാന്‍ താല്‍പ്പര്യമുണ്ടായിരുന്നില്ല. അതുകൊണ്ട് പിന്തിരിഞ്ഞു. എന്റെ ജീവിതം ഞാന്‍ ഇഷ്ടപ്പെടുന്നതുപോലെ ജീവിക്കാന്‍ എനിക്ക് അങ്ങനെ മാത്രം ചെയ്യാന്‍ സാധിക്കുമായിരുന്നുള്ളൂ’ – ആശ പറഞ്ഞു.

വിവാഹത്തിലേക്ക് എത്തിയ മറ്റൊരു ബന്ധം കൂടി തനിക്കുണ്ടായിരുന്നെന്നും എന്നാല്‍ ഇതേ കാരണം കൊണ്ടുതന്നെ അതും തകര്‍ന്നെന്നും ആശ വ്യക്തമാക്കി. ‘യുഎസില്‍ നിന്നുള്ള പ്രൊഫസറായിരുന്നു അത്. ഒരിക്കല്‍ അദ്ദേഹത്തെ കാണാന്‍ പോയ തന്നോട് എനിക്കൊരു കാമുകിയുണ്ടായിരുന്നെന്നും അപ്പോഴാണ് നീ ഇടയില്‍ കയറി വന്നതെന്നും അയാള്‍ പറഞ്ഞു. അതോടെയാണ് ആ ബന്ധവും അവസാനിക്കുന്നത്’- താരം പങ്കുവച്ചു