നടി ചന്ദ്ര ലക്ഷ്‍മണനും നടൻ ടോഷ് ക്രിസ്റ്റിയും വിവാഹിതരാകുന്നു

സീരിയല്‍ സിനിമാ താരം ചന്ദ്ര ലക്ഷ്‍മണനും നടൻ ടോഷ് ക്രിസ്റ്റിയും വിവാഹിതരാകുന്നു. ഇന്‍സ്റ്റഗ്രാം പോസ്റ്റിലൂടെ ചന്ദ്ര ലക്ഷ്‍മണ്‍ തന്നെയാണ് വിവാഹക്കാര്യം ഔദ്യോഗികമായി അറിയിച്ചിരിക്കുന്നത്. തന്‍റെ വിവാഹത്തെക്കുറിച്ചുള്ള അവസാനിക്കാത്ത ചോദ്യങ്ങള്‍ക്ക് ഇവിടെ അന്ത്യമാവുകയാണെന്ന് ചന്ദ്ര ഇന്‍സ്റ്റഗ്രാമില്‍ കുറിച്ചു. ‘സ്വന്തം സുജാത’ എന്ന സീരിയലിലാണ് ഇരുവരും ഇപ്പോൾ അഭിനയിച്ചു കൊണ്ടിരിക്കുന്നത്.

‘അതെ, ഇതാണ് ഞങ്ങള്‍ പറഞ്ഞത്. ഞങ്ങളുടെ കുടുംബങ്ങളുടെ സമ്മതത്തോടെയും അനുഗ്രഹത്തോടെയും ഒരു പുതിയ യാത്ര ആരംഭിക്കുമ്പോള്‍, ഞങ്ങളുടെ സന്തോഷത്തില്‍ ഞങ്ങളുടെ അഭ്യുദയകാംക്ഷികളായ നിങ്ങളെയും പങ്കാളികളാക്കണമെന്ന് ഞങ്ങള്‍ ആഗ്രഹിച്ചു. എന്‍റെ വിവാഹത്തെക്കുറിച്ചുള്ള അവസാനിക്കാത്ത ചോദ്യങ്ങള്‍ക്ക് ഇവിടെ അവസാനമാവുന്നു. ഞങ്ങളെ അനുഗ്രഹിക്കുക. പ്രാര്‍ഥനകളില്‍ ഓര്‍ക്കുക. വഴിയേ എല്ലാം അറിയിക്കാം’, ടോഷ് ക്രിസ്റ്റിയെ ടാഗ് ചെയ്‍തുകൊണ്ടാണ് ചന്ദ്രയുടെ പോസ്റ്റ്. ഇരുവരും കൈകള്‍ കോര്‍ത്തിരിക്കുന്നതിന്‍റെ ചിത്രവും നടി പങ്കുവെച്ചിട്ടുണ്ട്.

https://www.instagram.com/p/CTBrK8Dphw3/?utm_source=ig_web_copy_link