നികുതി ഇളവ്: നടൻ സൂര്യയുടെ ഹർജിയും തള്ളി

ചെന്നൈ: നികുതി പലിശ ഇളവ് ആവശ്യപ്പെട്ട് നടൻ സൂര്യ നൽകിയ ഹർജി തള്ളി മദ്രാസ് ഹൈക്കോടതി. 2007-08 , 2008-09 വർഷത്തെ വരുമാന നികുതിയിലെ പലിശ ഒഴിവാക്കണമെന്ന് കാണിച്ച് 2018 ലാണ് സൂര്യ ഹൈക്കോടതിയെ സമീപിച്ചത്. ജസ്റ്റിസ് എസ് എം . സുബ്രഹ്മണ്യനാണ് ഹർജി തള്ളിയത്.

നേരത്തെ വിദേശ കാറിന് നികുതി ഇളവ് ആവശ്യപ്പെട്ട് കോടതിയെ സമീപിച്ച നടന്മാരായ വിജയ്, ധനുഷ് എന്നീ താരങ്ങളെ കോടതി രൂക്ഷമായി വിമർശിച്ചിരുന്നു. തുടർന്ന് വിജയ് നികുതി തുക മുഴുവൻ അടക്കുകയും ചെയ്തിരുന്നു.