തപ്സി പന്നുവിനെ കേന്ദ്ര കഥാപാത്രമാക്കി ആകാശ് ഖുറാന സംവിധാനം ചെയ്ത ചിത്രമാണ് ‘രശ്മി റോക്കറ്റ്’. ഇപ്പോഴിതാ സിനിമ ഒടിടി റിലീസിന് ഒരുങ്ങുന്നുവെന്ന റിപ്പോർട്ടുകളാണ് പുറത്തു വരുന്നത്. സീ 5 ലൂടെയായിരിക്കും ചിത്രം എത്തുക എന്നും ലെറ്റ്‌സ് ഒടിടി ഗ്ലോബല്‍ റിപ്പോര്‍ട്ട് ചെയ്യുന്നു.
ഒക്ടോബറിലായിരിക്കും ചിത്രത്തിന്റെ റിലീസ് ഉണ്ടാവുക എന്നും റിപ്പോര്‍ട്ടില്‍ പറയുന്നുണ്ട്. നിലവില്‍ ഇതുമായി ബന്ധപ്പെട്ട ഔദ്യോഗിക പ്രഖ്യാപനം ഒന്നും വന്നിട്ടില്ല.
58 കോടി രൂപയ്ക്ക് ചിത്രം പ്രമുഖ ഒടിടി പ്ലാറ്റ്ഫോമുമായി കരാര്‍ ഒപ്പിട്ടതെന്ന് നേരത്തെ വാര്‍ത്തകള്‍ വന്നിരുന്നു. സിനിമയുടെ ചിത്രീകരണം കഴിഞ്ഞ ജനുവരിയില്‍ പൂര്‍ത്തിയായിരുന്നു. സ്‌പോര്‍ട്‌സ് ഡ്രാമയായി ഒരുങ്ങുനാണ് സിനിമയ്ക്കായി തപ്സിയുടെ വര്‍ക്ക് ഔട്ട് വീഡിയോ സമൂഹ മാധ്യമങ്ങളില്‍ ചര്‍ച്ചയായിരുന്നു.
ലൂപ്പ് ലപേടെ എന്ന സിനിമയും തപ്സിയുടേതായി റിലീസ് കാത്ത് നില്‍ക്കുന്നുണ്ട്. 1998ല്‍ റിലീസ് ചെയ്ത ജെര്‍മന്‍ സിനിമയായ റണ്‍ ലോല റണ്ണിന്റെ ഹിന്ദി റീമേക്കാണ് ലൂപ്പ് ലപേടെ. തന്റെ കാമുകനെ രക്ഷിക്കുവാന്‍ വേണ്ടി പണമുണ്ടാക്കാനുള്ള ലോല എന്ന പെണ്‍കുട്ടിയുടെ ശ്രമങ്ങളായിരുന്നു റണ്‍ ലോല റണ്ണിന്റെ കഥ. ഫ്രാങ്ക പോറ്റെന്റേ അവതരിപ്പിച്ച ലോല എന്ന കഥാപാത്രത്തെ ആയിരിക്കും ചിത്രത്തില്‍ തപ്സി അവതരിപ്പിക്കുന്നത്. ആകാശ് ഭാട്ടിയ ആണ് ചിത്രം സംവിധാനം ചെയ്യുന്നത്.
Post Your Comments